Vestmannaey og Bergey:

Fiskuðu yfir þúsund tonn í júlí

11.Ágúst'17 | 15:02
vestmannaey_ve

Vestmannaey VE á leið á miðin. Ljósmynd/TMS.

Vestmannaey VE og Bergey VE fiskuðu afar vel í júlímánuði sl. Samtals fengu skipin rúmlega eitt þúsund tonn í mánuðinum í 21 veiðiferð. Nær allan mánuðinn voru þau að veiðum vestur af landinu og var aflinn mestmegnis ýsa en að auki veiddu skipin helst þorsk og karfa. 

Landað var í Vestmannaeyjum og á Grundarfirði. Er þetta mun betri afli en í júlímánuði í fyrra en þá fluttu Eyjarnar um sjö hundruð tonn að landi.
 
Aflinn af skipunum fer víða. Ufsinn er unninn í Eyjum, ýsan fer að drjúgum hluta til vinnslu á Dalvík og þorskurinn á Akureyri. Annars er aflinn fluttur út í gámum og fer í ríkum mæli til Englands en karfinn fer til Þýskalands.
 
Í byrjun júlímánaðar var tekið fjögurra sólarhringa helgarfrí vegna goslokahátíðar og síðan var að sjálfsögðu tekið sex sólarhringa þjóðhátíðarfrí um verslunarmannahelgina. Að sögn Arnars Richardssonar rekstrarstjóra héldu Eyjarnar til veiða á mánudagskvöld og lönduðu góðum afla í gær, mestmegnis ýsu og karfa. Ýsan fékkst austur á Höfða en karfinn var tekinn við bæjardyr Eyjamanna, í Reynisdýpi og Háfadýpi, segir í frétt á heimasíðu Síldarvinnslunnar.
 
 

ÚV á FM 104

23.Apríl'16

Góð tónlist flesta laugardaga og sunnudaga frá 16:00. Einnig eru pistlar frá Nice. ÚV á FM 104

Hverja viltu sjá sem fulltrúa Vestmannaeyja 2018-2022?

2.Ágúst'17

Hverja vilt þú sjá bjóða sig fram í sveitastjórnarkosningum næstkomandi vor?
Taktu þátt í könnun Eyjar.net. Smelltu hér.
 

Grindavik.net

21.Júní'16

Grindavik.net er fréttavefur með áherslu á efni tengt Grindavik. Sjón er sögu ríkari.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).