Umhverfis- og skipulagsráð:

Afgreiðslur byggingarfulltrúa

10.Ágúst'17 | 07:24

Vestmannaeyjabær. Ljósmynd/TMS.

Í júlí óskaði Georg Arnarson, fulltrúi Eyjalistans í umhverfis- og skipulagsráði eftir eftir skýringum á reglum um það hvað byggingarfulltrúi má og hvað ekki. Á síðasta fundi ráðsins var málið aftur tekið upp.

Í bókun ráðsins kemur fram að í 8 gr. Mannvirkjalaga er fjallað um embætti byggingarfulltúra. Byggingarfulltrúi fjallar um byggingarleyfisumsóknir og fer með þau verkefni sem mælt er fyrir um í lögum nr. 160/2010 um mannvirki og ákvæðum í þeim reglugerðum sem settar eru á grundvelli laganna, þar á meðal útgáfu byggingarleyfa. Hann hefur eftirlit með því að mannvirkjagerð sé í samræmi við útgefin leyfi og gildandi skipulag.

Umhverfis- og skipulagsráðs annast verkefni byggingarnefndar og fjallar um byggingarleyfisumsóknir samkvæmt samþykkt um afgreiðslur byggingarnefndar Vestmannaeyja nr. 991 frá 2012. Samkvæmt 3. gr. samþykktar skal Byggingarfulltrúi leita samþykkis umhverfis- og skipulagsráðs áður en byggingarleyfi er veitt, varði breyting á mannvirki útlit þess og form nema breyting sé óveruleg, sbr. 5. mgr. 9. gr. laga um mannvirki.