Nokkur erill hjá lögreglunni í nótt

6.Ágúst'17 | 18:59
Brennan-2017

Eldurinn frá brennunni stóð beint uppí loft í blíðunni í Herjólfsdal. Mynd/Gunnar Ingi.

Nokkur erill var hjá lögreglunni síðustu nótt en mikill fjöldi þjóðhátíðargesta var í Herjólfsdal. Fjórir gista fangageymslu vegna ölvunar og ofbeldisbrota. Í einu ofbeldisbrotinu var aðili sleginn þannig að tennur brotnuðu. 

Allir sem gista fangageymslu verða yfirheyrðir í dag eða leystir út með sekt vegna brota á áfengislögum.

Fíkniefnamálum fjölgaði frá því gær og eru þau komin á fjórða tug. Í einu málinu var gerð húsleit í húsi í bænum og fannst þar um 20 gr. af hvítu efni. Talið er að hér sé um sölumál að ræða. Mest hefur verið lagt hald á hvít efni, amfetamín og kókaín.

Mikil umferðarteppa var í miðbæ Vestmannaeyja í gærdag þar sem mikill mannfjöldi hafði safnast saman við veitingastaði og götum verið lokað. Lögregla leysti farsællega úr málum en umferð hefur aukist gríðarlega í Vestmannaeyjum eins og gefur að skilja.

Í dag fór Herjólfur fimm ferðir til Landeyjarhafnar og var fullbókað í þær ferðir og munu því bætast við tvö til þrjú þúsund manns við þann mikla fjölda sem fyrir er. Áætlað er að á brekkusöngnum á miðnætti verði um fimmtán til sextánþúsund manns.

ÚV á FM 104

23.Apríl'16

Góð tónlist flesta laugardaga og sunnudaga frá 16:00. Einnig eru pistlar frá Nice. ÚV á FM 104

Hefur þú hugmynd?

20.Apríl'17

Lumar þú á hugmynd fyrir Eyjar.net? Til að gera vefsíðuna betri. Endilega sendu okkur línu á eyjar@eyjar.net!

Hárstofan HárArt

4.September'17

Þú færð milk_shake vörurnar hjá HárArt. Sími: 8970050. 

Lumar þú á grein?

27.Júní'17

Endilega sendu okkur hana á eyjar@eyjar.net. Eyjar.net - fyrir alla.