Atlantsflug

Örfá sæti laus á Bakka á mánudagskvöld

- svipuð sala og á sama tíma í fyrra

1.Ágúst'17 | 13:23
atlantsflug

Atlantsflug heldur uppi flugi frá Bakka á Þjóðhátíð.

Eyjar.net heldur áfram að taka púlsinn á farþegaflutningum á milli lands og Vestmannaeyja fyrir Þjóðhátíð. Flugfélagið Atlantsflug flýgur milli Bakka og Vestmannaeyja yfir Þjóðhátíð líkt og það hefur gert undanfarin ár. 

„Mánudagurinn frá Eyjum er nánast fullbókaður, við eigum aðeins örfá sæti laus um kvöldið og munum ekki geta bætt við brottförum þann dag eftir að selst upp þótt reynslan hafi sýnt það að alltaf verði eitthvað um laus sæti sem hægt verður að borga á staðnum samdægurs.” segir Þórir Garðarsson hjá Atlantsflugi.

Hann segir að enn sé nóg framboð á sætum báðar leiðir föstudag, laugardag og sunnudag, og hægt að bóka bæði á netinu eða gegnum síma. „Við höfum selt 130 sæti frá Bakka til Eyja og 287 sæti frá Eyjum eftir hátíð, sem er svipuð sala og á sama tíma í fyrra.” segir Þórir.

Flogið er á eins og tveggja hreyfla flugvélum, en allt upp í sex brottfarir eru á hverri klukkustund. Hægt er að bóka sætið sitt á www.flightseeing.is eða í síma 555-1615.

Atlantsflug er rótgróið flugfélag sem sinnir útsýnisflugi fyrir innlenda jafnt sem erlenda ferðamenn á suðurlandi, en félagið gerir út frá Reykjavíkurflugvelli, Bakkaflugvelli og flugvelli sínum í Skaftafelli. Atlantsflug býður jafnframt upp á samgönguflug milli Bakka og Vestmannaeyja allt árið um kring.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-