Vill þriðju ferjuna í innanlandssiglingar

31.Júlí'17 | 09:03
jon_gunnars_althingi

Jón Gunnarsson samgönguráðherra

Jón Gunnarsson samgönguráðherra segir að nauðsynlegt sé að kaupa þriðju ferjuna til að tryggja ferjusiglingar innanlands.

Fara vel yfir rökstuðning Samgöngustofu

Stjórnsýslukæra Elliða Vignissonar bæjarstjóra í Vestmannaeyja vegna synjunar Samgöngustofu á að Eyjamenn fái að nota Akranesferjuna um Verslunarmannahelgina verður tekin fyrir í samgönguráðuneytinu í dag. Jón sagðist í Morgunútvarpinu á Rás 2 taka undir með forstjóra Samgöngustofu að öryggi yrði ávalt að vera í fyrirrúmi. Hann segir hins vegar að ráðuneytið muni fara vel yfir rökstuðning Samgöngustofu fyrir því að Akranesferjan geti siglt á milli Reykjavíkur og Akraness, en ekki til Vestmannaeyja, þar sem um sambærilegt hafsvæði er að ræða.

Nauðsynlegt að fá þriðju ferjuna

Jón segir að ástandið í ferjusiglingum núna kalli á breytingar. Nauðsynlegt sé að fá þriðju ferjuna til landsins, til viðbótar við Herjólf og Baldur. „Við erum nú að smíða nýtt skip, nýjan Herjólf, sem áætlað er að komi í júní á næsta ári. Í mínum huga verðum við að gera ráðstafanir til þess að vera með þriðju ferjuna, sem getur þá komið inn á álagstímum og ekki síður til að geta leyst af þegar þessi skip fara í reglubundið viðhald. Eins ef að það koma upp einhver óhöpp eða bilanir þannig að það þurfi að brúa bilið" segir Jón.

Erfitt að finna skip til að leigja

„Við þurfum að bregðast við þessu. Við finnum það núna þegar við erum að skoða afleysingarskip fyrir Herjólf, sem þarf að koma hingað í tvær vikur í september. Við erum að reyna að finna ferju erlendis til þess að leigja. En það  er ekki einfalt mál. Það er bara vandamál að finna viðeigandi skip til þess að sinna þessum siglingum. Ég tel að aðstæður séu orðnar þannig að það verði ekkert búið við annað en að hafa varaskip til þess að geta sinnt þessu" segir Jón Gunnarsson samgönguráðherra.

 

Ruv.is greinir frá.

Vilt þú ná til Eyjamanna?

17.Ágúst'19

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%