„Málið er fyllilega leyst“

- ekki hafa borist nein gögn frá Vestmannaeyjabæ um umsókn um eitt eða neitt skip - segir forstjóri Samgöngustofu

28.Júlí'17 | 20:45
IMG_4103

Tvíbytnan Akranes. Mynd/TMS.

Forstjóri Samgöngustofu segir ekki koma til greina að veita undanþágu vegna siglinga ferjunnar Akraness milli Vestmannaeyja og Landeyjahafnar. Í útsýnissiglingum gildi ekki jafn strangar reglur og í áætlunarferðum.

Vestmannaeyjabær sóttist eftir því að fá afnot af ferjunni um Verslunarmannahelgina til þess að liðka fyrir samgöngum milli lands og eyja. Samgöngustofa hafnaði umsókninni, á þeim forsendum að ferjan, sem siglir fjórum sinnum á dag frá Akranesi til Reykjavíkur, uppfylli ekki kröfur um öryggi farþega. Ruv.is greinir frá.

Skemmtisiglingar - ekki áætlunarferðir 

Elliði Vignisson, bæjarstjóri í Vestmannaeyjum, hefur sagst ætla að kæra ákvörðunina. Engin rök séu fyrir því að ferjan megi ekki sigla milli lands og eyja, enda sé hafsvæðið í sama flokki og á milli Akraness og Reykjavíkur.

Þórólfur Árnason, forstjóri Samgöngustofu, segir að þó leiðirnar séu í sama flokki, þá sé sjólag misjafnt. Hann bendir á að Akranes sigli samkvæmt undanþágu til sex mánaða og þeim ferðum megi frekar líkja við skemmtisiglingar en áætlunarferðir. Um þær gildi ólíkar reglur. 

„Því alltaf er hægt að komast upp á Skaga á 45 mínútum og engin pressa á að halda stífa áætlun. Aðalmálið er öryggismál, það er alltaf aðalatriðið,“ segir Þórólfur. Spurður hvort megi gefa meiri afslátt af öryggisreglum í útsýnissiglingum segir hann svo vera. Það er mikill afsláttur á því, því það gilda allt aðrar reglur til dæmis um hvalaskoðunina,“ segir hann.  

Ferjan fullkomlega örugg

Steinar Magnússon, skipstjóri á Akranesi, sem áður var á Herjólfi, segir að ef ölduhæð fari ekki yfir tvo metra sé ferjan fullkomlega örugg til siglinga milli lands og eyja. „Norska skipaeftirlitið hefur farið yfir allt, við sigldum hérna á milli frá Bergen til Íslands og það bara gekk mjög vel. Við erum búnir að sigla hérna bæði útsýnis og reglubundnar ferðir hérna og við sjáum ekki mun á því,“

Segir ekki hafa borist umsókn um norskt skip

Elliði segir Samgöngustofu hafa veitt jákvætt svar um leigu á ferju frá Noregi, af sömu tegund og Akranes, en báturinn hafi runnið þeim úr greipum. Þetta kannast Þórólfur ekki við. „Nei það er bara rangt. Það hafa ekki borist nein gögn frá Vestmannaeyjabæ um umsókn um eitt eða neitt skip og ekki neitt slíkt leyfi verið gefið,“ segir Þórólfur. 

Ekki komi til greina að endurskoða ákvörðunina. „Málið er fyllilega leyst, það er ekki verið að veita undanþágu á skip sem ekki uppfyllir evrópureglur,“ segir Þórólfur. 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-