Leggja fram stjórnsýslukæru vegna synjunar Samgöngustofu

27.Júlí'17 | 17:21
IMG_4296

Akranes við bryggju í Eyjum. Mynd/TMS.

Elliði Vignisson hefur falið lögmanni Vestmannaeyjabæjar að leggja fram stjórnsýslukæru til Innanríkisráðuneytisins vegna synjunar Samgöngustofu á að veita ferjunni Akranesi leyfi til siglinga milli lands og Eyja í kringum Þjóðhátíð.

„Eftir að fyrir lá að við gætum ekki fengið skip sem er nákvæmlega eins og Akranesið með öll sömu skírteini og Samgöngustofa hafði gefið vilyrði fyrir óskuðum við eftir því að Akranesið sjálf kæmi til þessarar þjónustu.  Eimskip brást hratt við og vildi fyrir alla muni vinna með okkur að slíkri tilraun og í raun átti ég ekki von á öðru en að samþykki yrði auðfengið. 

Ég hafði enda fengið jákvæð viðbrögð við samskonar skipi og Eimskip hafði jú fengið heimild fyrir siglingum milli Reykjvíkur og Akranes.  Það kom mér því á óvart að nú kom allt í einu annað hljóð í strokkinn og Samgöngustofa lagðist gegn því að Akranesið kæmi, þrátt fyrir að hafsvæðið hér á milli sé C hafsvæði rétt eins og í Faxaflóanum þar sem skipið er að þjónusta núna.

Eftir að hafa ráðfært mig við lögmenn tel ég að í þessari afstöðu um að neita okkur um að nýta Akranesið hér tel ég gæta mikils ósamræmis miðað við fyrri ákvörðun.  Ég lít sem svo á að með þessu sé jafnræði og meðlahóf brotið og hef því falið lögmanni Vestmannaeyjabæjar að leggja fram stjórnsýslukæru til Innanríkisráðuneytisins strax.  Vonandi fáum við úrskurð á morgun svo hægt verði að hefja undirbúning sem fyrst." segir bæjarstjóri í samtali við Eyjar.net.

 

Samgöngur skipta okkur hér í Eyjum öllu.  Við megum ekki gefast upp fyrir sleifarlagi og tölvum sem segja nei.  Ef með þarf verða þingmenn og ráðherrar að stíga fast inn í þetta mál.  Þar liggur ábyrgðin á samgöngum milli lands og Eyja eins og öllum öðrum samgöngum.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.