Grynningar í Landeyjahöfn

Gæti þurft að aðlaga áætlun að aðstæðum

í kringum Þjóðhátíð

27.Júlí'17 | 09:07

„Við gerum ráð fyrir því að búið verði að dýpka þegar kemur að næsta stórstraumi. Ef það gengur ekki upp þá er ljóst að aðlaga þarf áætlun að þeim aðstæðum sem verða í Landeyjahöfn.” segir í svari frá starfsmanni Herjólfs er spurt er útí hvort reiknað sé með frátöfum í kringum Þjóðhátíð.

Þá segir í svarinu að ekki sé gert ráð fyrir því að fella niður ferðir enda margir að ferðast heldur frekar verður skoðað að hliðra til brottfarartímum með það að markmiðið að sigla allar ferðir. Ofangreint svar kom í fyrradag á facebook-síðu herjólfs og síðan þá þurfti að fella niður fjórar ferðir í gær sökum mikilla brota og hreyfinga við hafnargarðana í Landeyjahöfn.

Grafalvarleg staða

Ljóst má vera að staðan er mjög erfið á þessum mesta annatíma í verslun og þjónustu í bænum. Þjóðhátíð er á næsta leiti og miklir flutningar framundan henni tengdri. 

Þá er rétt að rifja það upp að ekki hefur reynst unnt að fá dýpkunarskip til að þjónusta höfnina nú. Galilei 2000 er í slipp erlendis en Dísa er nýkomin úr slipp og liggur nú í Sundahöfn. Samkvæmt heimildum Eyjar.net er Dísa væntanleg um helgina til vinnu við Landeyjahöfn.

Eins og áður segir er staðan grafalvarleg og ljóst að miklir fjármunir í húfi fyrir verslun, þjónustu og íþróttahreyfinguna í bænum. Að ekki sé talað um óþægindin sem þessu fylgir fyrir alla þá sem treysta á að samgöngur séu sómasamlegar um hásumar.

Að endingu má gagnrýna það að ferjan hafi ekki siglt í gærkvöldi til Þorlákshafnar, þegar ljóst var í hvað stefndi. Það hefði létt verulega á.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).