Þjóðhátíð 2017:

Áttan staðfest á stóra sviðið

Einnig bætast stórsöngvarinn Jón Jónsson og Brekkusöngs-stjórinn Ingó við magnaða dagskrá

17.Júlí'17 | 11:12

Áttan kemur fram á þessu glæsilega sviði á Þjóðhátíð. Mynd/Gunnar Ingi.

Snillingarnir í Áttunni eru staðfestir á stóra sviðinu í Herjólfsdal laugardaginn 5.ágúst og tilkynntu það með þessu skemmtilega myndbandi sem sjá má hér að neðar í þessari frétt.

Þá er dagskráin á laugardeginum nú endanlega staðfest - Áttan, Friðrik Dór, FM95Blö, Dimma með miðnæturtónleikana eftir flugeldasýninguna - og svo stígur Páll Óskar á sviðið og gerir allt vitlaust eins og honum einum er lagið í Dalnum. Það eru svo Stuðlabandið og Gullfoss sem loka Eyjunni til morguns.

Einnig bætast stórsöngvarinn Jón Jónsson og Brekkusöngs-stjórinn Ingó við magnaða dagskrá: Emmsjé Gauti, Frikki Dór, Aron Can, Hildur, Páll Óskar, Skítamórall, Ragnhildur Gísladóttir, Rigg ásamt Selmu, Regínu, Friðrik Ómari, Matta, Jógvan og Eyþóri Inga, Herra Hnetusmjör, Alexander Jarl og Brimnes.

Miðasala er í fullum gangi á dalurinn.is.