Hanboltamarkvörðurinn söðlar um

Kolbeinn í knattspyrnulið ÍBV

15.Júlí'17 | 07:22
kolli_hasteinsvollur

Mynd/samsett.

Handboltamaðurinn Kolbeinn Aron Ingibjargarson verður varamarkvörður Eyjamanna í Pepsi-deildinni í fótbolta á meðan Derby Carillo er að keppa í Gullbikarnum með El Salvador.

Kolbeinn Aron yfirgaf handboltalið ÍBV í sumar og ætlar að spila með Aftureldingu í Olís-deildinni næsta vetur. Hann hefur hinsvegar skipt yfir í ÍBV í fótboltanum frá KFS þar sem hann hefur spilað sem markvörður í sumar. 

Markmannsþjálfari ÍBV, hinn 49 ára gamli Kristján Yngvi Karlsson, var varamarkvörður Eyjaliðsins í leiknum gegn Breiðabliki um síðustu helgi. Kolbeinn Aron verður í hópnum á móti KA um helgina en svo verður Derby Carillo væntanlega kominn aftur fyrir Fjölnisleikinn. 

Halldór Páll Geirsson er aðalmarkvörður ÍBV en hann hefur spilað átta síðustu leiki ÍBV etir að hafa slegið Derby Carillo út úr liðinu eftir aðeins tvo leiki.  Halldór Páll hefur fengið á sig 12 mörk í 8 leikjum en Derby Carillo fékk á sig fimm mörk í síðasta leik sínum í byrjunarliðinu.

Þess má geta að Kolbeinn og Halldór Páll eru frændur.

 

Fotbolti.net greindi frá.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Hefur þú hugmynd?

15.Mars'18

Lumar þú á hugmynd fyrir Eyjar.net? Til að gera vefsíðuna betri. Endilega sendu okkur línu á eyjar@eyjar.net!

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.