Dagbók lögreglunnar:

Pottloki, hjólbörum og skóflu stolið

26.Júní'17 | 11:49

Það var í ýmsu að snúast hjá lögreglunni í liðinni viku án þess þó að einhver alvarleg mál hafi komið upp.  Skemmtanahald helgarinnar gekk ágætlega fyrir sig og engin teljanleg útköll á skemmtistaði bæjarins.

Eitt fíkniefnamál kom upp í vikunni en um var að ræða fíkniefni sem fundust í blómapotti í sameign fjölbýlishúss.  Ekki er vitað hver er eigandi efnisins, en um er að ræða smáræði af ætluðu amfetamíni.

Í vikunni var lögreglu tilkynnt um að loki ofan af heitum potti að Stóragerði 3 hafi verið stolið, auk þess hafi hjólbörum og skóflu einnig verið stolið.  Er talið að þjófnaðurinn hafi átt sér stað á tímabilinu frá 15. til 19. júní sl. Ekki er vitað hver eða hverjir voru þarna að verki en lögregla óskar eftir upplýsingum frá þeim sem telja sig vita eitthvað um málið.

Tvö umferðaróhöpp voru tilkynnt til lögreglu og var í öðru tilvikinu um að ræða minniháttar óhapp en í hinu tilvikinu þar sem um var að ræða árekstur tveggja bifreiða á gatnamótum Bessastígs og Boðaslóðar var farþegi í annarri bifreiðnni fluttur á sjúkrahús.  Meiðsl farþegans reyndust ekki vera alvarleg.

Alls liggja fyrir sjö kærur vegna brota á umferðarlögum eftir vikuna en m.a. er um að ræða ólöglega lagningu ökutækja, akstur gegn einstefnu, akstur án réttinda, biðskyldubrot ofl.

Lögreglan vill minna á að núna á miðvikudaginn 28. júní til og með 2. júlí nk. verður haldið Orkumót ÍBV í knattspyrnu og eru ökumenn, í tilefni þess, hvattir til að aka varlega í kringum knattspyrnuvelli bæjarins, enda fjölgar gangandi vegfarendum töluvert í tengslum við mótið. Þá eru gangandi vegfarendur jafnframt hvattir til að fara varlega í umferðinni, nota gangbrautir og líta til beggja hliða áður en farið er út á götu, segir í vikuyfirliti lögreglunnar í Vestmannaeyjum.

Tags

Lögregla

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).