Formaður hafnarráðs svarar gagnrýni á skítuga höfn

Hreinsuðu höfnina síðast fyrir sjómannadaginn

- biðlar til þeirra sem eiga starfsemi við höfnina að hjálpa í því verkefni að halda höfninni hreinni

22.Júní'17 | 06:50
fridarhofn

Friðarhöfn á góðum degi. Mynd/TMS.

Í fyrradag greindum við frá því hversu skítug Friðarhöfn er. Ritstjóri Eyjar.net ræddi í kjölfarið við Sigursvein Þórðarson, formann framkvæmda- og hafnarráðs Vestmannaeyjabæjar um málið. 

Þín viðbrögð við þessum myndum og lýsingum? 

Það kom mér mjög á óvart að sjá hversu mikið hefur safnast fyrir í höfninni á síðustu dögum en hafnarverðir hreinsuðu höfnina síðast fyrir sjómannadaginn. Starfsmenn Vestmannaeyjahafnar eru mjög meðvitaðir um þessi mál en þeir hafa margt á sinni könnu og það er verkefni allra þeirra sem starfa við höfnina að halda henni hreinni. 


Nú leggur Vestmannaeyjabær mikið uppúr því að fyrirtæki í Eyjum hafi snyrtilegt í kringum sig. Finnst þér ekki rétt að bæjaryfirvöld gangi fram fyrir skjöldu og hafi sín svæði snyrtileg. Hvort sem er á sjó eða landi? 

Á hverju ári er ákveðið fjármagn eyrnarmerkt viðhaldi og starfsmenn bæjarins forgangsraða verkefnum eftir þörf hverju sinni. Að mínu mati hefur þeim tekist vel til í þeirri forgangsröðun og almennt eru byggingar Vestmannaeyjabæjar vel við haldið og snyrtilegt í kringum þær. 


Nú greiða útgerðir hafnargjöld til Vestmannaeyjahafnar. Er ekki hluti af þjónustu hafnarinnar að fyrirbyggja að slíkir aðskotahlutir sem lýst var í umfjölluninni - séu innan hafnar? 

Að sjálfsögðu er það hluti af starfsemi hafnarinnar að reyna að koma í veg fyrir að slíkir aðskotahlutir séu á floti í höfninni en það er aldrei hægt að koma algjörlega í veg fyrir þetta, því miður. Umferð um höfnina er mikil og óhöpp verða sem skýra þetta kannski að einhverju leyti en ég biðla til þeirra sem eiga starfsemi við höfnina að hjálpa okkur í því verkefni að halda höfninni hreinni.

Má búast við aðgerðum í þessum efnum að hálfu framkvæmda- og hafnarráðs í nánustu framtíð? 

Við munum taka þetta mál fyrir á næsta fundi ráðsins, segir Sigursveinn Þórðarson. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is