Fræðsluráð:

Sumarfrístund komin til að vera

14.Júní'17 | 07:49
rolur

Ljósmynd/úr safni/TMS.

Sumarúrræði Vestmannaeyjabæjar sumarið 2017 var til umræðu á fundi fræðsluráðs í byrjun vikunnar. Starfsemi frístundar hefur verið að víkka út og annað árið í röð verður starfsrækt sumarfrístund í júní fyrir aldurshópinn 6 til 9 ára. 

Hefð hefur verið fyrir því að frjáls félagasamtök hafi starfsrækt sumarúrræði fyrir börn en það hefur dregið úr slíkum úrræðum á síðustu árum. Þótt sumarúrræðið sé nýtt takmarkað er ljóst að það er komið til að vera. Vestmannaeyjabær mun eftir sumarið fara í heildarendurskoðun á starfsemi frístundar með tilliti til vaxandi þjónustu og aukinnar kröfu um gæði þjónustu. 

Frístund mun bjóða upp á heildagsfrístund eftir miðjan ágúst til að brúa bilið þar til skólastarf GRV hefst. Þannig mun þeim börnum sem eru að flytjast frá 5 ára deild gefast tækifæri til að kynnast frístundaverinu áður en grunnskólaganga hefst. Á sama hátt gefur þetta möguleika á að börnin sem eru að byrja skólavist í 5 ára deild byrji þar strax að loknu sumarleyfi. Það gefur einnig svigrúm til að leikskólarnir geti hafið aðlögun yngstu barnanna, sem eru að hefja leikskólagöngu, fyrr en annars hefði verið. 

Við sumarlokun leikskóla mun gæsluvöllurinn við Strönd verða starfræktur frá kl. 13:00 til 16:00 á tímabilinu 17. júlí til og með 15. ágúst 2017. Vistunargjöld munu verða óbreytt kr. 800,- á dag fyrir hvert barn, segir í fundargerð fræðsluráðs Vestmannaeyjabæjar.

Hér má finna dagskrá sumarfrístundar

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is