Myndband

Breki VE sjósettur, nýmálaður og glæsilegur

- Kæmi ekki á óvart þótt það tæki allt að tvo mánuði að ljúka öllum verkum, segir skipstjórinn

10.Júní'17 | 08:40
breki_06_2017_2

Rúnar Bogason, eftirlitsmaður með smíði Breka og Páls Pálssonar, hér fyrir framan Breka VE. Mynd/vsv.is.

Breki VE er kominn á flot að nýju í kínversku skipasmíðastöðinni eftir að hafa verið málaður og auðkenndur með nafni og númeri. Togarinn var sjósettur á miðvikudaginn var, 7. júní.

„Auðvitað er spennandi að fylgjast með þessu á vettvangi. Skipið er glæsilegt, reyndar afburða fallegt!“ segir Magnús Ríkarðsson skipstjóri. Hann er nýkominn heim frá Kína og leynir ekki vaxandi spenningi yfir því að komast af stað heim til Eyja með togarann. Á því verður hins vegar einhver bið.

„Frágangurinn tekur sinn tíma, innansleikjurnar eru drjúgar. Við tökum auðvitað ekki við skipinu fyrr en allt er komið i það horf sem um var samið. Mér kæmi ekki á óvart þótt það tæki allt að tvo mánuði að ljúka öllum verkum.“

Systurskipin Breki og Páll Pálsson ÍS eru álíka langt komin í skipasmíðastöðinni. Þau fylgjast að alla leið þar og svo heim til Íslands þegar þar að kemur, að því er segir í frétt á heimasíðu Vinnslustöðvarinnar - vsv.is. Þar má sjá fleiri myndir af skipinu. Hér að neðan má sjá myndband frá sjósetningu skipsins.

 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.