Ætlaði mér að skora fyr­ir ömmu og það tókst

31.Maí'17 | 08:35
IBVvsSelfoss Kristín Erna_0372_sgg

Krist­ín Erna. Mynd/SGG.

„Ég var búin að segja að ég ætlaði að skora fyr­ir ömmu og ég var svo feg­in þegar það tókst. Þetta mark og þessi sig­ur var al­gjör­lega til­einkaður henni,“ sagði Krist­ín Erna Sig­ur­lás­dótt­ir, marka­hrók­ur úr Vest­manna­eyj­um.

Morg­un­blaðið bein­ir sjón­um sín­um að Krist­ínu eft­ir 7. um­ferð Pepsi-deild­ar­inn­ar í knatt­spyrnu, en hún lagði upp fyrra mark ÍBV og skoraði það seinna í 2:0-sigri liðsins á Breiðabliki í fyrra­dag.

Dag­inn eft­ir sig­ur­inn frækna varð Krist­ín Erna að kveðja móðurömmu sína, sem glímt hafði við veik­indi og lést í gær­morg­un. Fram­herj­an­um þótti eins og fyrr seg­ir vænt um að geta til­einkað henni mark og sig­ur.

„Hún var orðin níræð og hafði kannski ekki heilsu til þess að mæta á völl­inn leng­ur, en hún fylgd­ist alltaf mjög vel með mér,“ sagði Krist­ín.

Þessi 25 ára gamla Eyja­mær hef­ur leikið með og búið til mörk fyr­ir meist­ara­flokkslið ÍBV frá ár­inu 2008, skorað alls 88 mörk í 132 leikj­um í deild og bik­ar og lagt upp urm­ul marka, en hún lék eitt ár með Fylki síðasta sum­ar. Sig­ur­inn gegn Breiðabliki var hins veg­ar langþráður, en hann vannst við erfiðar aðstæður vegna mik­ill­ar rign­ing­ar í aðdrag­anda leiks­ins:

„Ég hef aldrei unnið Breiðablik hérna á heima­velli svo það var mjög sætt að ná því loks­ins. Ég held að ég hafi aldrei spilað á svona blaut­um velli áður. En við erum ekk­ert van­ari því en þær [Blika­kon­ur] að spila við svona aðstæður. Völl­ur­inn var ekki svona dag­inn fyr­ir leik svo að þetta var nýtt fyr­ir okk­ur líka,“ sagði Krist­ín Erna.

 

Mbl.is

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%