Samstarfsverkefni VSV og Vestmannaeyjabæjar:

Áburði dreift í Eldfellshlíðum

VSV veitir tíu milljónum króna í uppgræðslu við Eldfell á þremur til fjórum árum

27.Maí'17 | 08:31
IMG_1824

Eldfell er efst vinstra megin á myndinni. Ljósmynd/TMS.

Hópur fólks dreifði áburði í hlíðum Eldfells á uppstigningardag, undir stjórn Guðmundu Bjarnadóttur, fiskverkanda í Fiskvinnslu VE og varastjórnarmanns Vinnslustöðvarinnar. Átakið á rætur að rekja til sjötugsafmælis VSV.

Stjórn Vinnslustöðvarinnar ákvað í tilefni sjötugsafmælis fyrirtækisins að veita tíu milljónir króna í uppgræðslu við Eldfell á þremur til fjórum árum í samvinnu við Vestmannaeyjabæ. Verkefnið hófst í fyrra og í gær voru um 25 manns í Eldfellshlíðum að dreifa áburði. Guðmunda segir að í hópnum hafi meðal annars verið krakkar og foreldrar úr einum flokka ÍBV.

Svartaþoka var svo menn sáu vart út úr augum en það tókst að dreifa því sem dreifa átti. Engar ljósmyndir eru til af vettvangi því skyggnið var svo naumt skammtað að engum datt einu sinni í hug að en lyfta farsíma eða myndavél til að skrásetja atburðinn í grámunni.

Önnur dreifingarrispa er áformuð í júlímánuði og svo fleiri næsta sumar, segir í frétt á vefsvæði Vinnslustöðvarinnar.

Magnús B. Jónsson, Eyjamaður og fyrrverandi skólastjóri Bændaskólans að Hvanneyri, var ráðgjafi Vinnslustöðvarinnar á sínum tíma við að útfæra hugmyndina að verkefninu í grófum dráttum. Í framhaldinu var myndað aðgerðateymi skipað fólki frá Landbúnaðarháskóla Íslands, Landgræðslunni, Arkitektastofunni Landmótun, Vinnslustöðinni og Vestmannaeyjabæ.

„Við sem tókum þátt í að búa verkefnið til og ýta því úr vör eigum það sameiginlegt að vera lúpínufælið fólk,“ segir Magnús B.

„Uppgræðslan miðar að því að styrkja gróðurþekjuna og koma í veg fyrir jarðvegsfok. Svo er alveg nauðsynlegt að ráðast gegn lúpínunni sem breiðir ört úr sér um gamla hraunið sem rann fyrir landnám.“

Lúpínunni hefur trúlega verið sáð sums staðar á hrauninu en eftir það sáir hún sér sjálf af miklum krafti.

Lúpína er dæmi um ágenga, erlenda plöntu sem numið hefur hér land, dreifir sér um stór svæði og þjarmar að lággróðri með afleiðingum sem jafnast á við eitur í beinum fólks sem vill halda í hefðbundinn og venjulegan gróður í umhverfi sínu, hvað þá þeirra „lúpínufælnu“.

 

vsv.is

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Canton hefur opnað eftir vetrarlokun

27.Febrúar'20

Fiskur og franskar, rækjur og austurlenskir réttir. Kjúklingabitar um helgar. Opið frá 17.00 til 20.30, alla daga. Canton, Strandvegi 49. Sími 481-1930.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.