Halldór Jóhannesson skrifar opið bréf til bæjarstjóra:

Vill að bæjarstjóri biðji áhöfn Baldurs afsökunar

á endalausum leiðindum og skítkasti

25.Maí'17 | 09:28
IMG_3019

Baldur á siglingu milli lands og Eyja. Ljósmynd/AH.

Sæll Hr. bæjarstjóri, Elliði Vignisson. Nú er veru okkar á ferjunni Baldri að ljúka hér í Eyjum. Við höfum reynt að gera okkar besta og standa okkur eins vel og við gátum. Miðað við það sem við höfum í höndunum og það veðurfar sem að almættið skammtaði okkur. 

Ég tel okkur hafa staðið okkur nokkuð vel, þó ekki hafi verið hægt að sigla fyrsta daginn vegna veðurs og þess að skipið var ekki klárt fyrir hafnirnar. Meðal annars haldið fullri áætlun, 6 ferðum við aðstæður sem Herjólfur hefði aðeins siglt 2 ferðir í Þorlákshöfn. Komið öllum farþegum og allri frakt á milli og aldrei þurft að skilja neitt eftir.

Við höfum reynt að haga siglingum þannig að sem best hafi farið um fólk og farartæki, þó það hafi kallað á nokkrar lundaskoðunarferðir að Elliðaey, ferðamönnum til mikillar ánægju. Það virðast all flestir Eyjamenn hafa skilning á þessu en alltaf eru einhverjir leiðindapungar í hverju partýi. Og þar fórst þú fremstur í flokki Hr. bæjarstjóri.

Mér finnst persónulega að þú ættir að skammast þín og biðja áhöfn Baldurs afsökunar á þeim endalausu leiðindum og skítkasti sem þú hefur viðhaft opinberlega og víðar í okkar garð. 

 

ATH. Ég skrifa þetta alfarið í mínu nafni, en ekki annarra áhafnarmeðlima.

Halldór Jóhannesson, yfirstýrimaður á lundaskoðunarbátnum Baldri.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Vilt þú ná til Eyjamanna?

17.Ágúst'19

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.