Baldur á heimleið

Baldur verður þá búinn að sigla 113 ferðir milli lands og Eyja og flytja í þeim rúmlega 22.000 farþega, rúmlega 5.000 bíla auk flutningabíla og vagna. Sigld var skv. fullri áætlun alla daga nema fjóra og aðeins einn dagur þar sem ekkert var siglt en það var fyrsti dagur Baldurs í Eyjum og ölduhæð utan við Landeyjahöfn um 3 m.

Starfsmenn Eimskips hjá Herjólfi þakka Sæferðafólki fyrir einkar góð kynni, frábær störf sem fyrr og óskar þeim góðrar heimkomu, við sjáumst á Breiðafirðinum, segir í facebook-færslu Herjólfs.