Engin vara-vatnsleiðsla virk

milli lands og Eyja. - Viðgerð heppnaðist ekki

18.Maí'17 | 10:01
Vatnsleidsla_Bakka

Vatnsleiðslan lögð á sínum tíma. Mynd/aðsend.

Á milli lands og Eyja hafa verið lagðar þrjár vatnsleiðslur í gegnum tíðina. Nýjasta leiðslan er frá árinu 2008 og er flutningsgeta hennar það mikil að hún getur flutt allt það vatn sem við þurfum á að halda.

Leiðslan frá 1971 var það illa farin að hún er fyrir löngu ónothæf. Elsta leiðslan frá 1968 hefur verið notuð sem varaleiðsla.  Nýlega kom í ljós skemmd á henni.  

Ívar Atlason er svæðisstjóri vatnssviðs hjá HS-veitum í Eyjum. Eyjar.net spurði hann út í málið.

„Neðansjávarvatnsleiðslan frá 2008 sér um að flytja Eyjafjallasopann til okkar.  Flutningsgeta hennar einnar er miklu meiri en samlögð flutningsgeta gömlu leiðslanna.  Neðansjávarvatnsleiðslan frá 1971 er ónýt og var aftengd 2008. 

Neðnasjávarvatnsleiðslan frá 1968 er aðeins 100 mm í þvermál ( 4” ) og hefur takmarkaða flutningsgetu. Sú leiðsla fór að leka fyrir nokkrum árum og er ekki í notkun. Reynt var að setja viðgerðarbaulur á hana, en sú viðgerð heppnaðist ekki.  Fara þarf í mun fjárfrekari viðgerð, ef vilji er fyrir því að nota hana áfram.

Vestmannaeyjabær er eigandi neðansjávarvatnsleiðslunnar frá 2008, en HS Veitur hf er rekstraraðili.”  segir Ívar.

En er ekki vont að hafa ekki varaleið virka?

Jú, það er meira öryggi að hafa þá gömlu í lagi. Við erum búnir að ræða þetta við kafarana, og höldum að við séum komnir með viðgerðarlausn.  Það verður þó ekki í sumar.

 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).