Samgöngumálin rædd á Alþingi

Rann­sókn­ar­efni hverj­um datt þetta í hug

- að fá litla ferju, sem er með einni vél og litla flutn­ings­getu, til að sigla milli lands og Eyja

16.Maí'17 | 15:42
asmund

Ásmund­ur Friðriks­son. Myndin er tekin um borð í Herjólfi.

„Það er mik­ill hiti í Vest­manna­eyj­um yfir þeim sam­göng­um sem þar eru í boði núna meðan Herjólf­ur er í slipp. Það er auðvitað rann­sókn­ar­efni hverj­um datt í hug að fá litla ferju, sem er með einni vél og litla flutn­ings­getu, til að sigla milli lands og Eyja.“

Þetta sagði Ásmund­ur Friðriks­son, þingmaður Sjálf­stæðis­flokks­ins, á Alþingi í dag í umræðum um störf þings­ins þar sem hann gerði sam­göngu­mál á milli Vest­manna­eyja og lands að um­tals­efni. Vísaði hann til þeirr­ar ákvörðunar að nota Breiðafjarðarferj­una Bald­ur í stað Herjólfs. Mbl.is greinir frá.

„Það þarf auðvitað að skoða hverj­um dett­ur slíkt í hug, að bjóða 5.000 manna sam­fé­lagi, stærstu ver­stöð lands­ins, upp á slík­ar sam­göng­ur sem hafa verið með þeim ein­dæm­um síðustu vik­ur að þær hafa verið nán­ast eng­ar. Það hlýt­ur að vera krafa Eyja­manna til okk­ar á hinu háa Alþingi að við kipp­um þeim mál­efn­um í lag og að þetta komi ekki fyr­ir aft­ur þegar Herjólf­ur fer í slipp.“

Þingmaður­inn sagði ríkja kröfu í Vest­manna­eyj­um, sem komið hefði fram á fjöl­menn­um íbúa­fundi þar í síðustu viku að þegar siglt væri í Land­eyja­höfn skuli ávallt vera sex ferðir á dag að lág­marki og að þegar yrðu hafn­ar rann­sókn­ir á höfn­inni með það að mark­miði að bæta inn­sigl­ingu henn­ar þannig að hægt yrði að nota hana sem heils­árs­höfn.

Sömu­leiðis að far­gjöld til Þor­láks­hafn­ar yrðu þau sömu og til Land­eyja­hafn­ar og að rekst­ur ferj­unn­ar yrði í hönd­um heima­manna og hagnaður af hon­um nýtt­ur til að lækka far­gjöld og auka þjón­ust­una. „Við þurf­um að hlusta á Vest­manna­ey­inga og þær sann­gjörnu kröf­ur sem þeir setja upp í sam­göngu­mál­um.“

 

Mbl.is

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-