Húsmæðraorlofið ekki ætlað í góðgerðarmálin

13.Maí'17 | 08:00
eyjar_yfir

Vestmannaeyjar.

„Samkvæmt lögum eru þetta orlofsgreiðslur til kvenna og þetta á að fara þangað, við eigum ekkert að úthluta þessu í neina aðra hluti,“ segir Edda Ólafsdóttir, formaður kvenfélagsins Líknar um þau tilmæli bæjarráðs Vestmannaeyja að félagið leggi húsmæðraorlofsgreiðslu frá bænum í góðgerðarmál.

Líkn hefur í heilt ár reynt að innheimta greiðslur frá Vestmannaeyja­bæ til húsmæðraorlofs sem samkvæmt lögum er viss upphæð á hvern íbúa sveitarfélags. Í fyrra var upphæðin 106 krónur á íbúa og átti þá bærinn að greiða alls 459 þúsund krónur. Með dráttarvöxtum var upphæðin komin í 603 þúsund krónur í vor. Eftir að hafa ítrekað neitað kröfunni samþykkti bæjarráð loks á þriðjudaginn að borga reikninginn er innheimtubréf barst frá lögmanni. Vísir.is greinir frá.

Sjá einnig: Kúvending í húsmæðraorlofsmáli

„Bæjarráð hefur áður lýst yfir fullum stuðningi við einróma ályktun kvennafundar bæjarstjórnar á kvenréttindadaginn 19. júní 2008 þess efnis að greiðsla húsmæðraorlofs væri ekki í anda jafnréttis. Sá stuðningur er óbreyttur,“ bókaði bæjarráðið sem vísaði síðan í gott samstarf við Líkn í góðgerðarmálum og samþykkti að hækka upphæðina en lét þó skilaboð fylgja.

„Bæjarráði er afar annt um að hvergi beri skugga á það samstarf og samþykkir því að greiða Líkn 700 þúsund krónur og hvetur Líkn til að nýta upphæðina til góðgerðamála.“

Sem fyrr segir telur Edda, formaður Líknar, ekki rétt að nota féð á þann hátt sem bæjarráðið hvetji til. Hún kveðst heldur ekki sammála bæjarráði um að greiðsla húsmæðraorlofs sé ekki í anda jafnréttis.

„Lögin eru í gildi ennþá og öll bæjarfélög eiga að greiða þetta. Þannig að það er mín skoðun að þetta eigi að vera áfram eins og það var þangað til annað kemur í ljós, eða lögum verður breytt,“ segir Edda.

Frumvarp um afnám húsmæðra­orlofs hefur á síðustu árum ítrekað verið lagt fram á Alþingi en aldrei verið afgreitt.

Það var lögmannsstofa Þorbjargar I. Jónsdóttur, fyrrverandi formanns Kvenréttindafélags Íslands, sem rak málið fyrir hönd Líknar. Þorbjörg bendir á að kærunefnd jafnréttismála hafi þegar komist að þeirri niðurstöðu að húsmæðraorlof brjóti ekki reglu um jafnrétti kynjanna. Þá megi hafa í huga að konur á Íslandi eigi að jafnaði mun minni lífeyrisréttindi en karlar. Fram hafi komið að það tæki konur minnst 65 ár í viðbót að ná sömu lífeyrisinneign og karlar.

„Konur sem eru hættar störfum og eru 67 ára og eldri eiga mjög lítið brot af þeim lífeyrissjóðsinneignum sem sá aldurshópur á. Það eru þær konur sem eru mest að sækja í þessar orlofsnefndir og sækja þessar ferðir,“ segir Þorbjörg I. Jónsdóttir.

 

Vísir.is.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%