Andrés Þ. Sigurðsson í viðtali

Metfjöldi skemmtiferðaskipa í sumar

Búist við 63 komum í ár - þurfum að fara í framkvæmdir því við erum komin að þolmörkum eins og staðan er í dag

9.Maí'17 | 06:50
skemmtisk_ellidaey

Lóðsa þarf fólk í land af stærstu skipunum sem hingað koma.

Í ár er búist við að 63 komum skemmtiferðaskipa til Vestmannaeyja. Er þetta talsverð fjölgun frá í fyrra sem þó var met ár. Fyrsta skipið kemur þann 20. maí og það síðasta 25. september. Eyjar.net ræddi um þessa aukningu við Andrés Þ. Sigurðsson, yfirmann hafnarsviðs hjá Vestmannaeyjahöfn. 

Nú hefur verið stöðugur stígandi í komum skemmtiferðaskipa. Er mikið af nýjum skipum sem bætast við í ár?

Já, það hefur verið mikill stígandi í komu skemmtferðaskipa hingað til Eyja. Talsvert er um að ný skip séu að bætast við sem ekki hafa komið áður, þetta eru aðallega expedition skip sem eru að bætast við en þau eru í minni kanntinum 100 til 140m löng og henta mjög vel hér þar sem hafnaraðstaðan er mjög takmörkuð hjá okkur.

Hvað voru margar komur skemmtiferða skipa í fyrra?

Það komu 40 skip við hérna í fyrra, sem er met og gekk það allt vel. Veðrið var einstakt og fóru aðeins þrjú skip framhjá vegna veðurs og voru það að allt skip sem ætluðu að vera á akkeri. Þannig að það má segja að öll skip sem ætluðu að koma til hafnar gerðu það, en það hefur ekki gerst áður. Algengt var að af 10 skipum sem ætluðu að koma, þurftu þrjú til fjögur skip að hætta við, svo segja má að síðasta sumar hafi verið sérstakt.

En árið 2015?

Þá komu hingað 30 skip og höfðum heldur ekki séð þann fjölda áður. Átta skip þurftu frá að hverfa vegna veðurs 2015 og var það sumar að mörgu leiti erfiðara þó skipin hafi verið færri. Bæði var það veðrið og svo hvernig landanir uppsjávarskipa og aðrar skipakomur stönguðust á farþegaskipin.

Hvað er stærsta skipið stórt sem kemur í ár?  (kemst væntanlega ekki inn í höfnina)

Stærsta skipið sem kemur nú í sumar er Artanía sem um 45.000 tonn að stærð og 231m að lengd. Það er nú rétt að geta þess að það skip gæti auðveldlega lagst að í Skansfjörunni ef það væri viðlegukanntur þar. Stærstu skip sem við tökum að bryggju í dag eru um 20.000 tonn eða 170m.

 

En sem kemur inní höfnina?

Stærsta skipið í ár sem leggst upp að bryggju verður líklega Silver Wind sem er 16.800 tonn og 156m að lengd. Ef veður og aðstæður leyfa þá gæti hugsanlega verið hægt að taka inn stærsta skipið sem komið hefur til hafnar í Vestmannaeyjum, Prinsendam, þann 2 september, en það er 38.000 tonn og 205m langt, það er nýlegt skip með góða stjórnhæfni og alveg sérstakt að geta komið inn skipi af þessari stærð. Til að það gæti gengið þarf að vera alger blíða og ekkert uppsjávarskip að landa hjá Ísfélaginu. Ég reikna samt með því á akkerislegu því það er svo erfitt að eiga við svona stór skip. 

 

Þetta hlýtur að vera góð búbót fyrir rekstur hafnarinnar?

Þegar fjöldi skipana er orðinn svona mikill er þetta farið að telja í tekjum og vertíðarbragur hjá okkur hafnarköllunum því það er svo mikið að fá þessa viðbót við aðra starfsemi hafnarinnar. Draumurinn er náttúrulega sá að eitthvað verði gert til að sinna þessari viðbót og gerður yrði viðlegukanntur í Skannsfjörunni, með honum væri hægt að aðskilja skemmtiferðaskipin frá bræðslunni hjá Ísfélaginu, því þetta fer mjög illa saman. Við hér í Vestmannaeyjum njótum þess að geta boðið upp á nálægð við náttúruna sem ekki fæst annarsstaðar og erum við því í góðri aðstöðu til að auka okkar hlut, en kröfurnar um aðstöðu til að taka á móti skipunum er að aukast og hafa aðrar hafnir eins og Akureyri og Ísafjörður brugðist við því með mikilli fjárfestingu, sem er að skila sér til baka. Því miður get ég ekki sagt annað en að við höfum ekki sinnt þessu sem skyldi, en um leið og hægt er að afgreiða stærri skip koma meiri tekjur. Til þess að geta tekið þátt í skemmtiferðaskipabransanum í framtíðinni þurfum við að fara í framkvæmdir því við erum komnir að þolmörkum eins og staðan er í dag.

 

Hér má sjá lista yfir komur skipa í sumar.

nr skip dags
1 Spitzbergen  20.maí
2 Ocaen Diamond 24.maí
3 Spitzbergen  31.maí
4 Amandea 31.maí
5 Ocaen Diamond 2.jún
6 Callisto 11.jún
7 Ocaen Diamond 11.jún
8 Spitzbergen  11.jún
9 Artania 14.jún
10 Ocean Diamond 20.jún
11 Spitzbergen  22.jún
12 Callisto 23.jún
13 Callisto 25.jún
14 Ocean Endevour 27.jún
15 Le Soleal 27.jún
16 Ocean Diamond 29.jún
17 Amandea 29.jún
18 Adonia 30.jún
19 Le Soleal 3.júl
20 NG Orion 4.júl
21 Callisto 7.júl
22 Saga Pearl ll 7.júl
23 Ocean Diamond 8.júl
24 Star Legend 8.júl
25 Callisto 9.júl
26 Le Soleal 10.júl
27 Albatros 10.júl
28 Astor 10.júl
29 NG Orion 12.júl
30 Star Legend 15.júl
31 Ocean Diamond 17.júl
32 Le Soleal 17.júl
33 Star Pride 18.júl
34 NG Orion 20.júl
35 Callisto 21.júl
36 Star Legend 22.júl
37 Callisto 23.júl
38 Le Soleal 24.júl
39 Star Pride 25.júl
40 Ocean Diamond 26.júl
41 NG Orion 28.júl
42 Ocean Diamond 28.júl
43 Star Legend 29.júl
44 Amandea 30.júl
45 Ocean Majesty 31.júl
46 Le Soleal 31.júl
47 Star Pride 1.ágú
48 Callisto 4.ágú
49 NG Orion 5.ágú
50 Callisto 6.ágú
51 Star Pride 8.ágú
52 Silver Wind  11.ágú
53 Callisto 18.ágú
54 Callisto 20.ágú
55 Astor 22.ágú
56 Ocean Majesty 25.ágú
57 Callisto 1.sep
58 Prinsendam 2.sep
59 Callisto 3.sep
60 Callisto 15.sep
61 Ocean Diamond 12.sep
62 Ocean Diamond 20.sep
63 Hanseatic 25.sep

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.