Hönnuður Breka VE:

„Aðalatriðið að hámarka veiðigetuna“

4.Maí'17 | 08:42
breki_skrufa

Skrúfan á Breka VE er engin smásmíði! Myndir/vsv.is

Tíðindum sætir við systurskipin og ísfisktogarana Breka VE og Pál Pálsson ÍS að skrokklag þeirra er nýlunda meðal skipa af svipaðri stærð og skrúfurnar eru þær stærstu í víðri veröld miðað við vélarafl. 

„Aðalatriðið er að hámarka veiðigetuna og það var leiðarljósið við hönnun Breka og Páls Pálssonar,“ segir Sævar Birgisson, framkvæmdastjóri Skipasýnar, sem hannaði skipin. Greint er frá þessu á heimasíðu Vinnslustöðvarinnar.

Magnús Ríkarðsson, skipstjóri á Breka, og Guðni Ingvar Guðnason, umsjónarmaður viðhalds fasteigna og skipa Vinnslustöðvarinnar, heilsuðu upp á Sævar á skrifstofu hans á Grandagarði núna í vikunni. Þremenningarnir báru saman bækur sínar, enn einu sinni, í aðdraganda ferðar Eyjamannanna tveggja til Kína. Þangað eru Magnús og Guðni nú komnir að til að fylgjast með lokatörninni í Breka í skipasmíðastöðinni í  borginni Shidao.

„Markmiðið var að stytta togtímann eins og kostur væri. Það gerðist fyrst og fremst með því að hanna og búa Breka og Pál tveimur trollum sem hægt er að draga samtímis. Togari með tvö troll í sjónum samtímis hefur 60% meiri veiðigetu en togari með eitt troll. 

Aukin afköst en jafnframt styttri togtími jafngildir meiri hráefnisgæðum og möguleikum til að fá betri og verðmætari vöru fyrir neytendur á mörkuðunum.“ 

Guðni Ingvar bætir við:

„Ferskur fiskur heldur gæðum sínum í verslunum eðlilega einungis í fáeina daga. Því styttri sem veiðiferðin er þeim mun betur haldast gæði hráefnisins þegar fiskurinn er kominn á leiðarenda á mörkuðum, í verslanirnar. 

Fiskur sem dregst í skamman tíma í trolli er betri vara en fiskur sem er lengi í veiðarfærinu áður hann er tekinn til vinnslu um borð.“

Skrúfur Breka og Páls eru tæplega fimm metrar í þvermál og nýta vélarafl við togveiðar á þann veg að áætlað er að eldsneytissparnaður nemi allt að 40%. Munar um minna!

Sævar Birgisson:

„Svona skip toga nær þrjá fjórðu hluta tímans sem þau eru á sjó og þá hlýtur augljóslega að skipta mestu máli hve mikil togspyrna fæst út úr hverju hestafli aðalvélarinnar.“ 

„Breki og Páll eiga að skila 19 kg á hvert hestafl en sambærileg ný skip með venjulegar skrúfur skila 14-16 kg á hestafl að jafnaði. Þarna spilar saman stór skrúfa annars vegar og hönnunin á skipsskrokknum hins vegar. Togararnir eru með djúpan kjöl, sem hentar vel þegar troll er dregið. Þyngdardreifing í skipinu skiptir hér miklu máli og skiptir mun meira máli en hvernig stefnið er hannað. 

Við getum fyllilega staðið við þá fullyrðingu að engir togarar af þessari stærð í heiminum nýta vélarafl betur til togveiða en gerist með Breka og Pál Pálsson. Þeir eru sannarlega hannaðir í þágu gæða, orkusparnaðar og umhverfisverndar.“

 

Fleiri myndir af nýsmíðinni má sjá hér.

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Þjóðhátíðartjald til sölu

16.Október'20

Er með til sölu þjóðhátíðartjald með innbúi. Þrír bekkir, kommóða og borð fylgir með, auk skrauts. Verð 300.000,- Nánari upplýsingar veitir Viktor í síma 845-0533.  

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%