Eyjar.net, Eyjafréttir og Ásmundur Friðriksson kynna:

Rödd fólksins - opinn fundur um samgöngumál

- þann 10. Maí kl. 18.00 í Akóges

3.Maí'17 | 11:45
_DSCNýr Herjólfur í brotum í Landeyjahöf

Samsett mynd.

Miðvikudaginn 10. maí verður haldinn hér í Eyjum opinn fundur um samgöngumál. Þar gefst bæjarbúum tækifæri til að spyrja fulltrúa ríkis og bæjar út í samgöngumálin í nútíð og framtíð. Auk þess verða fulltrúar bæjarbúa með framsögu. 

Yfirskrift fundarins er „Rödd fólksins” og verður hægt að bera upp fyrirspurnir á fundinum. Þeir sem standa að fundinum eru Eyjar.net, Eyjafréttir og Ásmundur Friðriksson.

Tækifæri til að segja skoðun sína á tíðni ferða, kostnaði við ferðir og fá upplýsingar

Ástæður fyrir þessum fundi eru fyrst og fremst að skapa svigrúm fyrir „Rödd fólksins“ til að segja sína skoðun og spyrja spurninga um þjónustu, kostnað og áætlun Herjólfs. Samgöngur við Vestmannaeyjar eru og verða grunnþjónusta sem er afar mikilvæg og skiptir máli fyrir framtíð Eyjanna og ekki síst unga fólksins sem við viljum að fái tækifærin til góðs lífs á heimaslóð.

Nú er hafin smíði nýrrar ferju sem kemur væntanlega á næsta ári og mikilvægt að áður en hún kemur hafi fólk í Eyjum tækifæri til að segja skoðun sína á tíðni ferða, kostnaði við ferðir og fá upplýsingar frá fulltrúum opinberra aðila og þeirra sem reka ferjuna milli lands og Eyja.

Framsögumenn fara yfir væntingar fólksins og það verður grundvöllurinn af fjörugum umræðunum þegar fundarmenn fá tækifæri til að spyrja þá spjörunum úr. Fundartíminn verður takmarkaður við tímann frá 18.00-20.00 og við nýtum hann vel til að ná markmiðum fundarins að ræða um bætta þjónustu og kostnað vegna hans og gefum Rödd fólksins tækifæri til að hafa áhrif.

Á næstu dögum munu bæði Eyjar.net og Eyjafrettir.is hita upp fyrir fundinn með viðtölum við þá sem koma til með að flytja erindi á fundinum.

   

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).