Stefán Ó. Jónasson

Átti ekki að koma bæjarstjóra á óvart

2.Maí'17 | 14:54

Eyjar.net greindi frá því í gær að farþegaferjan Baldur hefði ekki leyfi til siglinga til Þorlákshafnar. Elliði Vignisson sagði fyrr í dag í viðtali við Eyjuna að það verði að vera til plan B og vísar þar til siglinga til Þorlákshafnar - þegar ófært er í Landeyjahöfn.

Eyjar.net ræddi við oddvita Eyjalistans um málið.

Vissir þú um að skipið hefði ekki leyfi til siglinga til Þorlákshafnar?

Ég var búinn að heyra af þessu fyrir einhverju síðan og fékk það svo staðfest í byrjun síðustu viku. Ég tilkynnti bæjarstjóra þetta fyrir um viku síðan. Þannig að þetta átti ekki að koma bæjarstjóra á óvart." segir Stefán Jónasson, bæjarfulltrúi minnihlutans.

Ég get tekið undir með bæjarstjóra að þetta ástand er óþolandi. Að við verðum hér án samgangna heilu dagana. Ég efast um að við höfum nokkurn tíma í seinni tíð haft hér ferju sem ekki getur siglt til Þorlákshafnar. Meira segja ferðaðist ég með Bjútíboxinu (Fagranesinu, innsk, blaðamanns) til Þorlákshafnar.

Hefur þetta ekki legið fyrir í nokkra mánuði að Baldur myndi leysa Herjólf af?

Já, það hefur legið fyrir í all nokkurn tíma. En ég vissi það ekki fyrr en fyrir viku að það væri ekki með leyfi til siglinga í Þorlákshöfn. Það gjörbreytir stöðunni.

Er nokkuð hægt að gera héðan af?

Bæjaryfirvöld hljóta að ætla að taka málið upp sem fyrst og kanna hvaða möguleikar eru í stöðunni.
 

 

Sjá einnig: Baldur leysir Herjólf af

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).