Netaralli Hafrannsóknastofnunar lokið

Góður afli á öllum svæðum

Við Eyjar veiddist aðeins meira en í fyrra

28.Apríl'17 | 06:40
IMG_0233

Mynd/úr safni.

Netralli Hafrannsóknastofnunar lauk fyrir páska og aflinn var góður á öllum svæðum eins og við var að búast á þessum tíma, að því er Valur Bogason, verkefnastjóri rallsins, í samtali við Fiskifréttir.

Niðurstöður úr rallinu liggja ekki fyrir en Valur sagði að heildaraflinn hefði verið um þúsund tonn sem er með því mesta sem veiðst hefur. „Aflinn hefur verið nokkuð stöðugur undanfarin ár og sveiflast frá 900 tonnum og upp í þúsund tonn. Þetta er í góðu samræmi við það hvernig þorskstofninn er samsettur og stærð hrygningarstofnsins,“ sagði Valur.

Netarallið fór fram með hefðbundnum hætti. Sex bátar tóku þátt í því víðsvegar við landið. „Í Breiðafirði fór aflinn uppundir 300 tonn sem er næstmesti afli sem hefur veiðst þar. Aflinn var svipaður og í fyrra í Faxaflóa og við Hornafjörð, en heldur minni á Selvogsbankasvæðinu. Við Eyjar veiddist aðeins meira en í fyrra en aflinn þar var svipaður og 2014 og 2015. Fyrir norðan fékkst mesti afli frá upphafi rallsins,“ sagði Valur.

 

Fiskifréttir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Jólablað Eyjalistans

22.Desember'18

Út er komið jólablað Eyjalistans. Hér má lesa blaðið.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is