Bæjarráð Vestmannaeyja

Skora á Alþingi að samþykkja þingsályktunartillögu um opnun neyðarbrautar

23.Apríl'17 | 13:40

Bæjarráð fjallaði á fundi sínum í síðustu viku um tillögu til þingsályktunar um opnun neyðarbrautarinnar á Reykjavíkurflugvelli. Þar segir: 

Alþingi ályktar að fela samgöngu- og sveitarstjórnarráðherra að beita sér fyrir því að NA/SV- flugbrautin á Reykjavíkurflugvelli verði opnuð á ný svo fljótt sem verða má. Ráðherra láti útbúa aðgerðaráætlun í þessa veru og upplýsi Alþingi um innihald hennar eigi síðar en í maí 2017.

Bæjarráð fagnar tillögunni og hvetur til þess að alþingi standi saman um þá mikilvægu ákvörðun sem í henni er fólgin. 

Bæjarráð minnir á að í höfuðborg Íslands er eina hátæknisjúkrahús landsins. Dæmin hafa ítrekað sýnt að lífsnauðsynlegt getur verið að þangað sé ávallt greið leið með sjúklinga hvort sem er af höfðuborgarsvæðinu eða landsbyggðinni. Lokun neyðarbrautarinnar svokölluðu á Reykjavíkurflugvelli hefur á undangengnum vikum leitt til þess að sjúkraflugvélar hafa ekki getað lent í Reykjavík né annars staðar á suðvestur horninu með alvarlega veika einstaklinga, sem hafa þurft á bráðnauðsynlegri umönnun að halda á þessu eina hátæknisjúkrahúsi okkar landsmanna. Það er því ófrávíkjanleg krafa bæjarráðs að neyðarbraut Reykjavíkurflugvallar verði opnuð aftur þar til önnur og jafngóð lausn finnst. 

Bæjarráð Vestmannaeyja skorar á Alþingi að samþykkja þá framkomnu þingsályktunartillögu sem hér er fjallað um, segir í bókun ráðsins.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla.