Samið við Steina og Olla um byggingu varmadælustöðvar

30.Mars'17 | 06:32
varmadæluhus

Tölvugerð mynd af væntanlegri dælustöð.

Á dögunum voru opnuð tilboð í Varmadælustöð fyrir HS Veitur. Tvö fyrirtæki buðu í verkið. Annars vegar byggingafyrirtækið Steini og Olli og hins vegar Eykt ehf. 

Tilboð Steina og Olla byggingaverktaka hljóðaði uppá  518.868.225. – kr. En tilboðið frá Eykt var uppá 618.879.117. – kr. Munur á milli tilboða Eykt og Steina og Olla er 19 %. Samkvæmt heimildum Eyjar.net er þessa dagana verið að ganga frá verksamning við Steina og Olla um byggingu dælustöðvarinnar.

Í bókun umhverfis- og skipulagsráðs um deiliskipulag á svæðinu segir:

Deiliskipulag á athafnasvæði A-2.
Tekin fyrir að nýju deiliskipulagstillaga á athafnasvæði A-2. Deiliskipulagið nær yfir lóðir á athafnasvæði vestan við Hlíðarveg og Strandveg og næsta nágrenni upp af lóðunum í átt að Hánni og nálægu opnu svæði við Sprönguna. Tillagan gerir m.a. ráð fyrir 1000 m2 byggingarreit fyrir varmadælustöð við Hlíðarveg. Tillagan var auglýst frá 1. feb. til 15. mars 2017. Engar athugasemdir bárust ráðinu.
 
Ráðið samþykkti tillögu deiliskipulags sbr. ákvæði skipulagslaga og er málinu vísað til afgreiðslu bæjarstjórnar.
 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.