Umhverfis- og skipulagsráð:

Sameiginlegt átak um að gera Vestmannaeyjar að snyrtilegasta bæjarfélagi landsins

Mikilvægt að auka umhverfisvitund hér í Vestmannaeyjum

30.Mars'17 | 06:54

Umræður um umhverfisátak 2017 fóru fram í umhverfis- og skipulagsráði Vestmannaeyjabæjar á síðasta fundi ráðsins.

Þar segir að sl. ár hafi umhverfis- og skipulagsráð skipulagt hreinsunardag sem alla jafna hefur verið haldinn í byrjun maí. Þátttaka hefur verið dræm, en nokkur félagasamtök hafa þó séð um svæði sem þeim er úthlutað og er þeim hér með þakkað fyrir ómetanlegt framlag sitt.

Skipuleggja ekki einn sérstakan hreinsunardag

Umhverfis -og skipulagsráði þykir mikilvægt að auka umhverfisvitund hér í Vestmannaeyjum. Í ár mun ráðið því ekki skipuleggja einn sérstakan hreinsunardag, heldur leggur til að við öll, einstaklingar, fyrirtæki og félagasamtök, förum í sameiginlegt átak um að gera Vestmannaeyjar að snyrtilegasta bæjarfélagi landsins með því að hreinsa til á lóðum okkar og í okkar nærumhverfi, í gönguferðum eða hvar sem þarf að láta hendur standa fram úr ermum. Félagasamtök sem vilja taka sín hefðbundnu svæði er að sjálfsögðu heimilt að halda því áfram.
 
Átakið hefst þegar í stað og stendur til 7.maí nk. Hægt verður að nálgast poka á opnunartíma umhverfis -og framkvæmdasviðs að Skildingavegi 5 og starfsmenn bæjarins munu hirða upp alla poka og annað sem fellur til eftir ruslatínsluna, segir ennfremur í bókun ráðsins.
 
Hreinsun á garðúrgangi og rusli:
Austurbær: 27.-30.apríl
Vesturbær: 1.maí-3.maí
Miðbæjarsvæði: 4-7.maí

„Einn poki af rusli“ á facebook

Ráðið felur starfsmönnum tæknideildar að kynna átakið, en einnig verður hægt að fylgjast með framvindunni á facebook, undir viðburðinum „Einn poki af rusli“.
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.