Kvenfélagið Líkn gefur til HSU

28.Mars'17 | 12:34
likn_hsu

Kvenfélagið Líkn afhenti gjöf til HSU að verðmæti rúmlega átta miljóna króna.

Nýlega færði Kvenfélagið Líkn Sjúkradeild HSU-Vestmannaeyjum veglega gjöf til endurnýjunar á eftirlitstækjum á sjúkradeild. Apríl söfnun 2016 var tileinkuð kaupum á eftirlitstækjum á sjúkradeild HSU- Vestmannaeyjum og er áætlað að sá búnaður verði tilbúinn til notkunar á næstu vikum.

Gjöf uppá 8 milljónir

Með þessum eftirlitsbúnaði er hægt að fylgjast með hjartslætti, blóðþrýstingi og súrefnismettun hjá sjúklingum, bæði rúmliggjandi en einnig fólki sem er á fótaferð. 

Mælingar birtast á skjá sem staðsettur er inni á vaktherbergi hjúkrunarfólks á sjúkradeild. Búnaðurinn sendir einnig viðvörun í vaktsíma hjúkrunarfræðings komi eitthvað óeðlilegt fram.

Með þessum búnaði er hægt að fylgjast með fleiri sjúklingum, á stærra svæði og hjúkrunarfræðingur fær samstundis viðvörun komi eitthvað athugunarvert fram í mælingum.

Verðmæti þessarar gjafar er 8.084.067.

 

Árleg Aprílsöfnun

Kvenfélagið Líkn var stofnað 14. febrúar 1909 og hefur markmið félagsins frá upphafi verið að styðja við sjúkrahús og heilsugæslu í Vestmannaeyjum og aðrar stofnanir með gjöfum og tækjakaupum og einnig félagasamtök,  einstaklinga og fjölskyldur sem á þurfa að halda.

Árlega stendur félagið fyrir svonefndri Aprílsöfnun þar sem leitað er til fyrirtækja til fjáraflana og er þá verið að safna fyrir ákveðnu tæki eða búnaði. Að auki hafa ágóði úr 1. des kaffisölufélagsins, sölu jólakorta og minningarkorta farið til viðbótar til tækjakaupa..  Hefur Kvenfélagið notið mikillar velvildar og stuðnings fyrirtækja, og einstaklinga í Vestmannaeyjum sem hefur gert því kleift að sinna hlutverki sínu. 

Það er mikilvægt fyrir íbúa í Vestmannaeyjum að viðeigandi tæki og búnaður séu til staðar þannig að hægt sé að veita sem besta og öruggasta heilbrigðisþjónustu í heimabyggð.

 

Í ár á að safna fyrir nýjum tækjum fyrir rannsóknarstofu

Árið 2017 verður Aprílsöfnun Kvenfélagsins Líknar tileinkuð nýjum tækjum fyrir rannsóknarstofu HSU-Vestmannaeyjum.  Um er að ræða rannsóknartæki  sem mæla hjartaensím og önnur efni sem myndast ef einstaklingur fær hjartaáfall eða blóðtappa. Eru nauðsynlegar mælingar  þegar um bráðaveikindi eru að ræða og mikilvæg til greiningar og að ákveða meðferð sjúklinga. Að auki mælir tækið til dæmis skjaldkirtilshormón,  B-12,  Ferritin og  blöðruhálskirtilshormón.

Það tæki sem til var er ónýtt.  Komi til bráðaveikindi  þar sem grunur er um hjartasjúkdóm eða blóðtappa er í dag notast við tæki þar sem hægt er að mæla grunngildi en er mjög dýrt í rekstri og óhentugt.  Aðrar mælingar þarf að senda til Reykjavíkur.

Verðmæti þessa tækis er um 4,000,000kr

 

Ómetanlegur stuðningur

Að venju mun kvenfélagið Líkn senda út bréf til fyrirtækja hér í bæ varðandi Aprílsöfnunina. Stuðningur bæjarbúa og félagsamtaka við Heilbrigðisstofnunina er ómetanlegur og óskar stofnunin eftir að koma fram þakklæti vegna þess.

 

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).