Vertíð í Vinnslustöðinni

Unnið sex daga vikunnar

í hverri viku

19.Mars'17 | 06:35
drangav

Drangavík VE á landleið.

Vel hefur gengið að veiða og vinna bolfisk hjá Vinnslustöðinni frá því verkfalli lauk í febrúar. Skipin róa viðstöðulítið og unnið er frá mánudegi til laugardags í hverri viku.

Brynjólfur VE hefur verið á netum og aflað vel. Mest er sótt vestur fyrir Eyjar. Stutt er því á miðin og netafiskurinn fer allur til söltunar hjá VSV. Uppistaðan er stór þorskur en einnig er smávegis af ufsa. Gullberg VE er fyrst og fremst að veiða ufsa og karfa og aflar sömuleiðis vel.

Drangavík VE hefur verið á fiskitrolli á grunnslóð og aflinn mest verið góður vertíðarþorskur auk karfa, ýsu og ufsa. Afli trollbátanna fer í vinnslu hjá VSV annars vegar og er hins vegar fluttur út eða seldur á fiskmörkuðum.

Drangavík er að skipta yfir á humarveiðar sem eru í þann veginn að hefjast. Upphaf humarvertíðar hefur færst framar undanfarin ár. Unnið er að því að útbúa Kap II VE á netaveiðar sem hefjast á allra næstu dögum. Skipstjóri á Kap II er Baldur Þór Bragason.

Meðan loðnuvertíð stóð yfir var eingöngu unninn saltfiskur hjá bolfisksviði Vinnslustöðvarinnar. Saltfiskvinnslan gengur vel og afköst eru mikil.

Lykilatriði er að afköst veiða og vinnslu haldist í hendur

Gunnar Páll Hálfdánsson, framleiðslustjóri bolfisksviðs, lætur vel af gangi vertíðarinnar.

„Skipin fiska ágætlega en við höfum vel undan í vinnslunni, enda stendur starfsfólkið okkar sig í stykkinu. Lykilatriði er að afköst veiða og vinnslu haldist í hendur svo gæði framleiðslunnar séu eins og vera ber.“

Vinnsla þorsk- og ufsaflaka er að hefjast, auk humarvinnslunnar sem fyrr er getið.

 

vsv.is greindi frá.

IMG_1187

Líf á bryggjunni.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).