Sjáðu myndirnar...

Opnunarteiti The Brothers Brewery

Ölstofa og brugghús opnar í Baldurshaga

17.Mars'17 | 08:08
IMG_1680

Eigendurnir á bakvið barborðið í gær.

The Brot­h­ers Brewery opn­aði í gær nýja öl­stofu hér í Eyj­um. Þá er búið að stór auka fram­leiðslu­getu brugghússins sem er í sama húsi, nánar tiltekið í Baldurshaga.

„Nú get­um við tekið á móti hóp­um, sem vilja kynna sér fram­leiðsluna, og selt Eyja­mönn­um góðan bjór,“ seg­ir Kjart­an Vídó Ólafs­son, einn eig­enda. „Við bjóðum upp á sex teg­und­ir í öl­stof­unni okk­ar,“ seg­ir hann og tekur fram að ekki sé alltaf um sömu teg­und­irn­ar að ræða því teg­und­irn­ar séu mis­jafn­ar eft­ir árstíðum.

Framleiðslugeta rúmlega þrefaldast

„Við festum kaup á 500 lítra brug­ggræjum og gerj­un­ar­tönkum frá Kína auk flösk­u­línu. Þar með eru sex 500 lítra tank­ar til staðar og með flösk­u­lín­unni aukast mögu­leik­ar á að selja bjór­inn á fleiri veit­inga­stöðum og í Vín­búðunum. „Þegar tæk­in verða kom­in í notk­un get­um við bruggað 500 lítra í einu í staðinn fyr­ir 150 lítra,“ seg­ir Kjart­an. Ekki verður einungis bjór á boðstólnum því einnig verður hægt að fá kokteila og annað góðgæti að sögn Kjartans.

Fyrst um sinn verður opnunartími ölstofunnar einungis frá fimmtudögum til laugardags, en svo þegar vora tekur og Landeyjahöfn opnast til frambúðar má búast við að opnunartíminn lengist.

Ljósmyndari Eyjar.net leit við í opnunarteitinu í gær og smellti þar nokkrum myndum. Þær má sjá hér.

Íbúð til orlofsleigu í sumar

28.Apríl'17

Stór íbúð á góðum stað í Eyjum til orlofsleigu í sumar. Gistipláss fyrir 6-8 manns. Íbúðin telur 2 svefnherbergi, 2 stofur, stórt eldhús og baðherbergi. Innan við 500 metrar í sundlaugina og fótboltavellina. Laus ennþá yfir Pæjumót og Goslok (Orkumót og Þjóðhátíð bókuð). Áhugasamir sendi fyrrirspurn á gummiv@simnet.is  

ÚV á FM 104

23.Apríl'16

Góð tónlist flesta laugardaga og sunnudaga frá 16:00. Einnig eru pistlar frá Nice. ÚV á FM 104

Má bjóða þér að auglýsa hér?

20.Apríl'17

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Einbýlishús til sölu

24.Apríl'17

Túngata 17, Vestmannaeyjum. Gott mikið endurnýjað einbýlishús til sölu. 5 svefnherbergi. Allar nánari upplýsingar má nálgast hér.