Knattspyrna karla:

ÍBV þarf und­anþágu til þess að fá keppn­is­leyfi

Hásteinsvöll­ur­ ekki nægi­lega vel girt­ur af

17.Mars'17 | 11:50
hasteinsv-001

Hásteinsvöllur. Mynd/úr safni.

Í gær voru gef­in út þátt­töku­leyfi á fundi leyf­is­ráðs KSÍ fyr­ir keppn­is­tíma­bilið 2017. Tvö fé­lög í efstu deild þurfa að sækja um und­anþágu til þess að fá keppn­is­leyfi, en á fundi ráðsins fyr­ir viku voru tvö önn­ur fé­lög skikkuð til að sækja um und­anþágu.

Um er að ræða Fjölni, ÍBV, KA og Vík­ing Ólafs­vík. Sam­kvæmt mann­virkja­reglu­gerð er gerð krafa um að áhorf­enda­stúk­ur í efstu deild séu með þaki og vant­ar það hjá öll­um fé­lög­un­um nema ÍBV. Hjá Eyja­mönn­um er völl­ur­inn ekki nægi­lega vel girt­ur af og ger­ir nefnd­in kröfu um það af ör­ygg­is­ástæðum. Það er mbl.is sem greinir frá.

Hauk­ur Hinriks­son, leyf­is­stjóri KSÍ, seg­ir að um forms­atriði sé að ræða sem þurfi að fara í gegn­um svo reglu­gerð sé fylgt.

„Það þarf því alltaf að fá sér­staka und­anþágu sem stjórn­in þarf að samþykkja, en er nokkuð al­gengt og hef­ur verið svona und­an­far­in ár með þau fé­lög í efstu deild sem hafa ekki þak á stúk­un­um,“ seg­ir Hauk­ur við mbl.is og seg­ir að þetta muni ekki hafa áhrif á þátt­töku­leyfi fé­lag­anna.

„Nei, það mun ekki gera það. Þetta eru bara form­leg­heit­in þar sem þetta stend­ur í reglu­gerðinni og það þarf að fylgja henni,“ seg­ir Hauk­ur.

Ferlið er þannig að ber­ast þarf skrif­leg um­sókn um und­anþágu frá fé­lög­un­um, sem svo er lagt fyr­ir mann­virkja­nefnd. Nefnd­in legg­ur það svo fyr­ir stjórn­ar­fund sem fram fer 30. mars næst­kom­andi og hafa fé­lög­in ráðrúm fram að því til þess að sækja um und­anþágu.

„Fé­lög­in þurfa oft að sýna fram á að fram­kvæmd­irn­ar séu í ákveðnu deilu­skipu­lagi eða slíkt. En það er erfitt að gera kröfu um að orðið sé við þessu [þak á stúku] sem fyrst. Það er svo mik­ill kostnaður sem fylg­ir þessu og yf­ir­leitt þurfa bæj­ar­yf­ir­völd að taka þátt í því,“ seg­ir Hauk­ur Hinriks­son, leyf­is­stjóri KSÍ, við mbl.is.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum S: 481-1313 / Gsm: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Hárstofan HárArt

4.September'17

Þú færð milk_shake vörurnar hjá HárArt. Sími: 8970050. 

Lokað vegna leyfis hjá HárArt

6.Nóvember'17

Kæru viðskiptavinir. Hárstofan HárArt verður lokuð frá 9 – 22 nóvember. Bestu kveðjur Arnbjörg.  HárArt sími 8970050

Lumar þú á grein?

27.Júní'17

Endilega sendu okkur hana á eyjar@eyjar.net. Eyjar.net - fyrir alla.