Handknattleikur:

Færa sig aftur yfir í nýja salinn

Aðstaðan fyrir okkar frábæru áhorfendur er ekki boðleg í gamla salnum

9.Mars'17 | 09:59
ithrottahus

Nýrri salur Íþróttamiðstöðvarinnar hefur lengi lekið. Þá er gólfdúkurinn kominn á tíma.

Í kvöld kl.18:30, spila strákarnir okkar hér heima við sjóðheita FH-inga. Bæði lið hafa verið að spila vel það sem af er ári og hefur FH til að mynda unnið alla sína leiki frá áramótum á meðan strákarnir okkar hafa unnið fjóra og gert jafntefli í einum. Það má því búast við hörkuleik.

Í grein á facebook-síðu handknattleiksdeildar ÍBV til stuðningsmanna segir:

„Undanfarna leiki hafa strákarnir spilað í gamla salnum þar sem dúkurinn í nýja salnum er fyrir löngu kominn á tíma. Dúkurinn gefur lítið sem ekkert eftir og verður til þess að eftir átök eru skrokkar strákanna í töluverðan tíma að jafna sig og í raun mun lengur en ef fjöðrunin væri eðlileg."

Sjá einnig: Ætla að freista þess að finna orsök lekans í sumar

Vona innilega að áhorfendur fjölmenni

„Á móti kemur að aðstaða fyrir okkar frábæru áhorfendur er ekki boðleg í gamla salnum og því miður eru alltof margir sem einfaldlega treysta sér ekki til þess að mæta þar á leiki.

Strákarnir hafa því tekið ákvörðun um að spila í stóra salnum á morgun og vona innilega að okkar frábæru áhorfendur fjölmenni og styðji þá til sigurs gegn öflugu liði FH. Strákarnir fá viku frí frá leikjum eftir þennan leik og eru tilbúnir að finna fyrir dúknum í skrokknum eitthvað fram í næstu viku fyrir fulla stúku" segir ennfremur í greininni.

Fjölmennum og hvetjum strákana til sigurs !!!"

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).