Loðnuvertíðin 2017

Frysting loðnuhrogna hafin

- skipin á Faxaflóa

3.Mars'17 | 13:40
kap_ve

Loðnu landað úr Kap VE.

Einn mikilvægasti tími loðnuvertíðarinnar er nú runninn upp þegar frysting loðnuhrogna hefst. Veiðarnar ganga vel - loðnan er komin vestur á Faxaflóa og þar keppast menn við að ná sem mestu áður en loðnan hrygnir.

Fyrstu vinnslurnar hófu að taka loðnuhrogn til frystingar um miðja síðustu viku og nú er hrognafrysting hafin hjá flestum. Loðnuhrogn eru jafnan talin verðmætasta afurð vertíðarinnar og Sindri Viðarsson, sviðsstjóri uppsjávarsviðs hjá Vinnslustöðinni í Vestmannaeyjum, segir mikilvægt að nýta þennan tíma vel.

Yfirleitt talinn dýrmætasti tíminn

„Yfirleitt er talið að þetta sé dýrmætasti tíminn og þetta er líka kannski það tímabil sem við höfum hve stystan síma til að gera verðmæti úr loðnunni,“ segir Sindri. „Við höfum bara ákveðinn glugga, sem spannar tíu til fjórtán daga, til að vinna loðnuhrogn.“

Markaður fyrir loðnuhrogn stækkar stöðugt  

Og hann segir að það líti vel út með sölu á loðnuhrognum, þó alltaf sé talsverð sveifla á mörkuðum. En hrognin fara út um allan heim. „Auðvitað hefur Asía verið hvað stærst, en markaður fyrir loðnuhrogn hefur farið sífellt stækkandi. Það var ekki framleitt mikið í fyrra þannig að við erum nokkuð bjartsýnir á markaðshliðina.“ 

Betra útlit en undanfarin ár

Loðnan er nú komin á hrygningarstöðvar vestur á Faxaflóa og það styttist í að hún hrygni. Veiðarnar ganga enn mjög vel, segir Sindri, þéttar lóðningar og skipin að fá stór köst. „Þannig að útlitið með það er bara gott og miklu betra heldur en undanfarin ár,“ segir Sindri.

 

Ruv.is greindi frá.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.