Hörkufiskirí hjá Eyjunum

26.Febrúar'17 | 06:41

Vestmannaey VE og Bergey VE hafa fiskað afar vel frá því að verkfalli lauk. Vestmannaey er komin með um 160 tonn í þremur veiðiferðum og Bergey 105 tonn í tveimur. Helmingur afla skipanna er þorskur en hinn helmingurinn er blanda af ýsu, karfa og ufsa. 

Heimasíða Síldarvinnslunnar greinir frá. Birgir Þór Sverrisson, skipstjóri á Vestmannaey var spurður út í fiskiríið.

Gott að fá að taka aðeins á því

„Við erum búnir að fara þrjá túra og höfum aflað afar vel. Það tók 30 tíma að fá í fullan bátinn í fyrsta túrnum og 36 tíma í öðrum. Við vorum síðan kallaðir inn í þriðja túr en vorum þá komnir með eitthvað í kringum 30 tonn á 12 tímum. Við erum að fá þetta við bæjardyrnar, erum 1 til 1 ½ tíma frá Eyjum á miðin. Þetta er fallegur og góður fiskur sem veiðist núna. Hann kemur á þetta svæði til hrygningar um þetta leyti en er þó óvenju snemma á ferðinni í ár. Þetta er hefðbundinn göngufiskur sem verður væntanlega á þessum slóðum fram í maí. Vissulega er þessi veiði óvenju öflug miðað við árstíma en við erum í góðum málum og reyndar alsælir. Það er svo sannarlega gott að fá að taka aðeins á því,“ sagði Birgir.
 
Aflinn af Vestmannaey og Bergey fer að hluta til á markað í Bretlandi og Þýskalandi en eins fer hann til vinnslu víða innanlands.
 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).