Allir lesa 2017

Vestmannaeyjar enduðu í sjötta sæti

af 74 sveitarfélögum

23.Febrúar'17 | 15:33
allir lesa í strætó

Lesið í strætó. Mynd/aðsend.

Loks eru úrslitin í Allir lesa 2017 ljós. Þátttakendur lásu í samtals 43.567 klukkustundir, eða sem samsvarar um fimm árum! Liðakeppnin var æsispennandi að vanda og hafa fjölbreytt lið víðsvegar að af landinu raðað sér í efstu sætin. 

Kraftmestu lesendurnir eru í Strandabyggð

Það sveitarfélag sem býr yfir kraftmestu lesendunum er Strandabyggð en þar lásu þátttakendur að meðaltali í heila 53,4 klukkutíma, eða sem nemur 2 sólarhringum og 5 klukkustundum til viðbótar. Fast á hæla þeirra fylgdu Fjallabyggð og Dalabyggð og heilt yfir reyndist landsbyggðin töluvert öflugri en höfuðborgarsvæðið þegar horft var á lestur miðað við búsetu.

Fjöldi vinnustaða tók þátt

Fjöldi vinnustaða keppti í landsleiknum og víða var bæði keppt í Allir lesa og Lífshlaupinu með því að fara út að ganga eða hlaupa með hljóðbók. Starfsfólk á þessum vinnustöðum ætti því aldeilis að vera við góða andlega og líkamlega heilsu þessa dagana. Í flokki liða með 3-9 liðsmenn sigraði Stjórnsýsluhúsið í Búðardal. Starfsfólk Menntaskólans á Tröllaskaga bar sigur úr býtum í flokki liða með 10-29 liðsmenn og liðið STALST (Lyfjastofnun) sigraði í fjölmennasta flokknum, með 30-50 liðsmenn.

Í opnum flokki kepptu önnur lið, til dæmis leshringir, saumaklúbbar, fjölskyldulið, skólalið og vinir. Liðið Við sigraði í flokki liða með 3-9 liðsmenn og var einnig heildarsigurvegari landsleiksins. Lestrarhestar í Hagaskóla sigruðu í flokki liða með 10-29 liðsmenn og yngsta stig Barnaskólans á Eyrarbakka og Stokkseyri sigraði í flokki liða með 30-50 liðsmenn.

Það er skemmtilegt að lesa!

Allir lesa er landsleikur í lestri, með áherslu á orðið leikur. Tilgangurinn er fyrst og fremst að vekja athygli á því hversu skemmtilegt það er að lesa, hvort sem er einn eða með öðrum. Allir lesa snýst þannig ekki um lestrarhraða eða fjölda blaðsíðna heldur er takmarkið fyrst og fremst að hvetja landsmenn til að verja tíma í yndislestur. Með því að skrá inn að minnsta kosti 15 mínútur af lestri dag hvern vonumst við til þess að bóklestur komist inn í daglega rútínu og lesturinn verði að lífsstíl. Það er von okkar að með hvatningu og góðri lestrarbyrjun á árinu haldið þið, kæru lestrarhestar, áfram að njóta lestrar þrátt fyrir að landsleiknum sé lokið.

Þakkir fyrir skemmtilegan, fræðandi, gefandi og góðan landsleik!

Aðstandendur Allir lesa eru Reykjavík, bókmenntaborg UNESCO og Miðstöð íslenskra bókmennta í samstarfi við Mennta- og menningarmálaráðuneytið og Heimili og skóla.

Lestur eftir búsetu (topp 10)

Nafn Lestur (Hlutfall)
1. Strandabyggð 57,9 klst
2. Fjallabyggð 49,4 klst
3. Dalabyggð 46,8 klst
4. Dalvíkurbyggð 45,4 klst
5. Blönduóssbær 36,0 klst
6. Vestmannaeyjar 31,1 klst
7. Skútustaðahreppur 27,4 klst
8. Tálknafjarðarhreppur 25,2 klst
9. Rangárþing eystra 24,8 klst
10. Sveitarfélagið Ölfus 23,6 klst

 

Listann má sjá hér

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.