Sinfóníuhljómsveit Íslands

Landshorna á milli - Vestmannaeyjar

21.Febrúar'17 | 14:59
sinfo

Sinfóníuhljómsveit Íslands. Mynd/sinfonia.is

Sinfóníuhljómsveit Íslands heldur í tónleikaferð til Vestmannaeyja með glæsilega dagskrá í farteskinu í byrjun mars. Hljómsveitin heldur tónleika í íþróttahúsinu í Vestmannaeyjum 1. mars kl. 19.30 og skólatónleika næsta dag. 

Einleikari í hinum víðfræga fiðlukonserti Tsjajkovskíjs verður Sigrún Eðvaldsdóttir konsertmeistari SÍ, en hljómsveitarstjóri er Bjarni Frímann Bjarnason. Auk fiðlukonsertsins flytjur hljómsveitin slavneskan dans eftir Antonín Dvořák, syrpu vinsælla laga eftir Eyjamanninn Oddgeir Kristjánsson, og sinfóníu nr. 4 eftir Ludwig van Beethoven.

Í för með Sinfóníuhljómsveitinni verður músin knáa Maxímús Músíkús en sívinsælt ævintýrið um Maxa og hljómsveitina verður á dagskrá á skóla- og barnatónleikum Sinfóníunnar kl. 10:30 á fimmtudeginum 2. mars. Sigurður Þór Óskarsson leikari er sögumaður tónleikanna en höfundur ævintýrsins, Hallfríður Ólafsdóttir, stjórnar hljómsveitinni.

Ferðalagið er eins konar endapunktur tónleikaferðarinnar „Landshorna á milli“, en haustið 2015 lék Sinfóníuhljómsveitin fyrir fullu húsi á Ísafirði, Akureyri og Egilsstöðum.

Aðgangur að tónleikunum er ókeypis og allir velkomnir, segir í frétt á heimasíðu Sinfóníuhljómsveitar Íslands.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fjölskylda óskar eftir gistiaðstöðu á Þjóðhátíð

13.Júní'19

Fjögurra manna fjölskylda með djúpar Eyjarætur óskar eftir gistiaðstöðu frá fimmtudegi til mánudags á Þjóðhátíð. Um er að ræða hjón með tvö ung börn. Nánari upplýsingar hjá Þórlindi í síma 822 8968.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.