Ætlar í hart við ráðherra vegna sjómannadeilu

17.Febrúar'17 | 08:16

Formaður atvinnuveganefndar Alþingis ætlar að beita sér fyrir því að Alþingi grípi inn í kjaradeilu sjómanna og samþykki kröfur þeirra um afnám skattlagningar fæðispeninga fyrst ríkisstjórnin ætli sér ekki að gera það.  

Þorgerður Katrín Gunnarsdóttir sjávarútvegsráðherra hefur sagt það af og frá að ríkisstjórnin komi með beinum hætti að lausn kjaradeilunnar. Sjómenn og útgerðarmenn hafa náð saman í öllum þáttum deilunnar, fyrir utan kröfu sjómanna um skattleysi fæðispeninga. En þar stendur á stjórnvöldum. Páll Magnússon, formaður atvinnuveganefndar Alþingis og þingmaður Sjálfstæðisflokks, segir það furðulegt í ljósi þess að slíkt ákvæði hafi verið í samningum sjómanna í fyrra. „Í samningunum sem tókust síðasta sumar í sjómannadeilunni, sem voru svo síðan felldir reyndar í atkvæðagreiðslu hjá félagsmönnum, þá kom ríkið að því með nákvæmlega sama hætti og sjómenn eru að óska eftir núna,“ sagði Páll í Kastljósi í gærkvöldi.

„Fjármálaráðherrann þá, sem bar þetta fram, hann er forsætisráðherra núna, þannig að hann ætti að þekkja málið. Þetta var það sem ríkisstjórnin var tilbúin til að gera í fyrra, afhverju gerir hún ekki það sama núna?“

Ekki hefur verið boðað til formlegs samningafundar vegna kjaradeilunnar í kvöld, en Konráð Þorsteinn Alfreðsson, varaformaður Sjómannasambands Íslands, segir að menn séu enn að tala saman og reyna að finna lausn. Í því sambandi hafi verið nefndar aðrar leiðir en skattfrelsi fæðispeninga. Páll telur þó nauðsynlegt að Alþingi grípi inn í og hyggst fara í hart við ráðherrann. „Ef stjórnvöld geta ekki sinnt þeirri sjálfsögðu skyldu sinni gagnvart þjóðinni, að tryggja það að auðlindin sé nýtt, ef framkvæmdarvaldið getur það ekki, þá verður löggjafarvaldið að grípa inn í, já.“

 

Ruv.is

 

Grindavik.net

21.Júní'16

Grindavik.net er fréttavefur með áherslu á efni tengt Grindavik. Sjón er sögu ríkari.

Hverja viltu sjá sem fulltrúa Vestmannaeyja 2018-2022?

2.Ágúst'17

Hverja vilt þú sjá bjóða sig fram í sveitastjórnarkosningum næstkomandi vor?
Taktu þátt í könnun Eyjar.net. Smelltu hér.
 

ÚV á FM 104

23.Apríl'16

Góð tónlist flesta laugardaga og sunnudaga frá 16:00. Einnig eru pistlar frá Nice. ÚV á FM 104

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).