Dagbók lögreglunnar:

Tvær líkamsárásir kærðar til lögreglu

14.Febrúar'17 | 12:23

Lögreglan hafði í nógu að snúast í liðinn viku og um helgina vegna hinna ýmsu mála sem upp komu. Tvær líkamsárásir voru kærðar til lögreglu eftir skemmtanahald helgarinnar, en báðar áttu þær sér stað aðfaranótt 12. febrúar sl.  

Önnur árásin átti sér stað fyrir utan einn af öldurhúsum bæjarins þar sem ráðist var á mann að því er virðist algjörlega að tilefnislausu og þurfti sá að leita læknis vegna áverka sem hann fékk.  Hin árásin átti sér stað inni á einum af veitingastöðum bæjarins en þarna hafði verið ráðist á dyravörð sem var að sinna vinnu sinni.  Ekki var um alvarlega áverka að ræða í því tilfelli.

Í vikunni var lögreglu tilkynnt um að reykur kæmi frá íbúð og hafði nágranni áhyggjur af því að einhver gæti verið í íbúðinni.   Í ljós kom að þarna hafði húsráðandi sofnað út frá eldamennsku og var töluverður reykur í íbúðinni þegar lögregla og slökkvilið kom á staðinn.  Vel gekk að reykræsta íbúðina og varð ekki teljandi tjón á íbúðinni.

Alls liggja fyrri sjö kærur vegna brota á umferðarlögum eftir vikuna en um er að ræða ólöglega lagningu ökutækja, vanrækslu á notkun öryggisbelta í akstri og þá er ein kæra vegna ástands ökutækis, að því er segir í vikuyfirliti frá Lögreglunni Í Vestmannaeyjum.

 

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).