Stofan Bakhús með köku ársins

Fyrsta skipti sem bakarí á landsbyggðinni vinnur keppnina

14.Febrúar'17 | 07:40
Kaka ársins 2017

Hér má sjá vinningskökuna.

Á hverju ári efnir Landsamband bakarameistara til keppni um Köku ársins. Vinningskakan er síðan framleidd í flestum bakaríum landsins næstu vikurnar á eftir. Í ár var sigurvegarinn Stofan Bakhús.

Eyjar.net heimsótti bakara Stofunnar Bakhús, Davíð Arnórsson af þessu tilefni. ,,Við erum gríðarlega stolt að hafa sigrað í þessari keppni og það sem er áhugavert er að þetta er í fyrsta skipti sem sigurvegarinn kemur af landsbyggðinni. Mér finnst það sérstaklega skemmtilegt að Vestmannaeyjar taki þann titil .” segir Davíð.

Enn eitt merkið um hvað er að gerast í matarmenningu í Eyjum

Þemað í ár var skyr og þurftu bakararnir þvi að nota það í grunninn. Davíð segir að það hafi verið eina skilyrðið. ,,Lime og hindiber var það fyrsta sem ég vildi nota til að knýja fram sem mestan ferskleika með skyrinu, en kakan er samsett af möndlu-kókosbotnum, lime-skyrmousse, hindiberjageli og hjúpuð með mjólkursúkkulaðihjúp”. Þá vill hann taka fram að þetta sé mikill heiður að fá þessa viðurkenningu til Eyja. ,,Þetta er enn eitt merkið um hvað er að gerast í matarmenningu í Eyjum."

En hvenær geta landsmenn svo keypt vinningskökuna?

Kaka ársins fer í sölu um land allt, frá og með næstkomandi föstudegi og verður í sölu yfir konudagshelgina.

stofan-bakhus-cr

Stofan Bakhús.

Lumar þú á grein?

27.Júní'17

Endilega sendu okkur hana á eyjar@eyjar.net. Eyjar.net - fyrir alla. 

Fréttaskot - Eyjar.net

31.Maí'17

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Suðurland FM - FM 93,3 í Eyjum

29.Apríl'16

Einnig er stöðin opin á netinu á www.sudurlandfm.is. Fylgstu með fréttum og fróðleik af suðurlandi á Suðurland FM.

Grindavik.net

21.Júní'16

Grindavik.net er fréttavefur með áherslu á efni tengt Grindavik. Sjón er sögu ríkari.