Yfirlýsing frá meirihluta bæjarstjórnar:

Bæjarstjórn boðar EKKI hækkun á gjaldskrá Herjólfs

- Þeir sem berjast gegn ofbeldi eru ekki þar með ábyrgir fyrir ofbeldinu

14.Febrúar'17 | 14:40

Þótt bæjarstjórn sé það bæði ljúft og skylt að taka þátt í málefnalegum umræðum um hagsmuni Vestmannaeyjabæjar þá verður slíkt að eiga sér ákveðin takmörk. Þau takmörk liggja við línu málefnalegrar umræðu.  

Af þeim sökum hyggjast bæjarfulltrúar ekki fara í karp við ritstjóra eyjar.net um útboð ríkisins á rekstri Vestmannaeyjaferju. Útboðið er til á pappír og er öllum aðgengilegt sem áhuga hafa og þarfnast ekki túlkunar ritstjóra né bæjarfulltrúa.

Til að freista þess enn og aftur að miðla málefnalegum upplýsingum til bæjarbúa skal þó eftirfarandi tekið fram:

1. Það er ekki bæjarstjórn sem boðar hækkun fyrir hönd ríkisins né aðrar breytingar á verkefnum ríkisins. Vestmannaeyjabær hefur enga formlega aðkomu að ákvörðunum sem þessum. Vilji bæjarstjórnar er –eins og svo ítrekað hefur komið fram- sá einn að þjónusta sé sem best og gjöld sem lægst. Að halda öðru fram er rangt.

2. Mikill meirihluti bæjarbúa ferðast með svokölluðum einingum. Í umræddu útboði er skýrt tekið fram að um leið og gjald er hækkað á ferðamenn og aðra þá sem sjaldan ferðast er afsláttur okkar heimamanna allt að 53%. Krónutalan í siglingum í Landeyjahöfn er því nánast óbreytt fyrir heimamenn en þegar siglt er í Þorlákshöfn er um mikla lækkun að ræða.

3. Það er ekki hlutverk bæjarfulltrúa að leggja gögn ríkisins fyrir ritstjóra eyjar.net. Útboðgögn þau sem umræðir í grein ritstjórans var (og er sjálfsagt enn) hægt að fá hjá Ríkiskaup og öllum aðgengileg. Er ritstjórinn hvattur til að kynna sér gögn þau sem hann skrifar um, áður en lagst er í skriftir.

4. Það er ekki heldur hlutverk bæjarfulltrúa að láta ritstjóra eyjar.net vita hvenær ríkið býður út rekstur Herjólfs. Slíkt er vandlega auglýst og aðgengilegt að fá um slíkt upplýsingar.

Bæjarfulltrúum þykir afar miður að tilraunum þeirra til að berjast fyrir hagsmunum bæjarbúa og upplýsa um stöðu mála skuli vera mætt með því að gera þá beint ábyrga. Það er hreinlega eins og að saka þá sem berjast gegn ofbeldi ábyrga fyrir ofbeldinu sjálfu. Hið sanna er að ríkisrekstri og þ.m.t. samgöngum er stjórnað af Alþingi en (illu heilli) ekki af bæjarstjórn Vestmannaeyja

Bæjarfulltrúar munu þó hér eftir sem hingað til með ánægju eiga skoðanaskipti við áhugasama með það að markmiði að upplýsa bæjarbúa.

 

Birna Þórsdóttir, bæjarfulltrúi

Elliði Vignisson, bæjarfulltrúi

Hildur Sólveig Sigurðardóttir, bæjarfulltrúi

Páll Marvin Jónsson, bæjarfulltrúi

Trausti Hjaltason, bæjarfulltrúi

 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is