Aðalfundur Golfklúbbsins

Helgi Braga endurkjörinn formaður GV

2.Febrúar'17 | 08:31

Fimmtudaginn 26. janúar síðastliðinn var haldinn aðalfundur Golfklúbbs Vestmannaeyja fyrir starfsárið 2017 í Golfskálanum. Stjórn GV lagði fram skýrslu sína og reikninga.

Var það mat fundarmanna að starfsemi klúbbsins sé á góðri leið en athygli vakti hve myndarlega hefur tekist að ná skuldum klúbbsins niður. Helgi Bragason var einróma endurkjörinn formaður Golfklúbbs Vestmannaeyja og engin breyting var á stjórn klúbbsins. Framundan eru spennandi tímar en í sumar mun Íslandsmótið í holukeppni fara fram á Vestmannaeyjavelli og á næsta ári verður sjálft Íslandsmótið í höggleik haldið í Eyjum.

Stjórn GV skipa, formaður: Helgi Bragason, varaformaður: Haraldur Óskarsson, ritari: Eyþór Harðarson, meðstjórnandi: Gunnar G. Gústafsson, varamenn: Sigurjón Pálsson og Harpa Gísladóttir.

Endurbætur í golfskálanum

Strax að loknum aðalfundi fór af stað vinna við salinn í golfskálanum. Gólfefni voru hreinsuð af gólfum auk þess sem veitingasalan var rifin. Í kjölfarið var hafist handa við að parketleggja skálann og hefur það verk gengið ótrúlega hratt fyrir sig og á innan við viku var nýtt parket komið á skálann. Haraldur Óskarsson formaður vallarnefndar hefur stýrt verkinu og hefur hann fengið til liðs við sig félagsmenn sem hafa lagt hönd á plóg. Það verður því gaman að mæta í skálann í vor og sjá breytingarnar, segir á heimasíðu GV.

 

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is