Elliði Vignisson skrifar:

Kostnaður heimila í Vestmannaeyjum af samgöngum er fráleitt hár

Fjölskylda sem ferðast að meðaltali einu sinni í mánuði með Herjólfi þegar siglt er í Þorlákshöfn greiðir hátt í hálfa milljón á ári.

30.Janúar'17 | 13:50

Í gær ræddi ég við fréttamann Stöðvar 2 og Bylgjunnar um samgöngur á sjó. Viðtalið má heyra með  því að smella hér.  Þar er fyrst og fremst rætt um afhverju við Eyjamenn viljum halda núverandi skipi fyrstu misserin eftir að nýja skipið kemur og síðan hið mikilvæga mál er snýr að gjaldskrá Herjólfs þegar siglt er í Landeyjahöfn.

Að ferðast eftir þjóðvegum á Íslandi er nánast ætíð gjaldfrjálst

Samkvæmt upplýsingum frá Vegagerðinni var heildarkostnaður við Héðinsfjarðagöng 14,2 milljarðar. Það kostar hinsvegar notendur ekkert að fara þar um. Heildarkostnaður við Bolungarvíkurgöng voru um 6,5 milljarðar. Það kostar heldur ekkert að fara þar um. Kostnaðurinn við Hvalfjarðargöng var 4,6 milljarðar árið 1996 (uppreikaðnur kostnaður eru tugir milljarða). Það kostar fjögurra manna fjölskyldu 1000 kr. að fara þar um. 
 

Fjölskylda sem ferðast að meðaltali einu sinni í mánuði með Herjólfi þegar siglt er í Þorlákshöfn greiðir hátt í hálfa milljón á ári 

Sá Herjólfur sem nú siglir er að fullu afskrifaður og kostnaður við Landeyjahöfn er um eða innan við 4 milljarðar. Kostnaður fjögurra manna fjölskyldu (tveir fullorðnir, einn unglingur og eitt barn) við að fara með sinn einkabíl fram og til baka milli lands (Þorlákshafnar) og Eyja er hinsvegar 35.880 kr. þegar fullt gjald er greitt og farið er í koju. Ekki þarf að minna á að engin önnur leið er fyrir bíla milli lands og Eyja. Fjölskylda sem fer einu sinni í mánuði þessa leið greiðir á ári 430.560 krónur fyrir það að fara eftir þjóðveginum að heiman og heim. 
 

Sanngjart og eðlilegt

Þjóðvegurinn milli lands og Eyja liggur í dag um Landeyjahöfn.  Það er sanngjörn og eðlileg krafa Eyjamanna að þegar þjóðvegurinn til Vestmannaeyja (Landeyjahöfn) er lokaður og farið er lengri og erfiðari hjáleið um Þorlákshöfn þá sé ekki lagt aukalegt gjald á notendur heldur gildi að fullu sú gjaldskrá sem gildir fyrir Landeyjahöfn.
 
 
Ellidi,is

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%