Elliði Vignisson skrifar:

Endilega teljið bílana og gerið samanburð

Nýja ferjan tekur 31 bíl meira þegar um borð eru einnig 5 gámar. Tekur 19 bílum meira þegar bara eru bílar á dekkinu.

25.Janúar'17 | 14:43

Umræða um nýja Vestmannaeyjaferju hefur verið hjúpuð þoku og því miður oft erfitt fyrir fólk að kynna sér forsendur hennar.  Það ræður sjálfsagt mestu að upplýsingagjöf hefur verið stopul en hinu er heldur ekki að neita stundum hefur upplýsingagjöf verið villandi. 

 Eftir að skrifað var undir samning um smíði nýrrar Vestmannaeyjaferju hófst umræða í Vestmannaeyjum um að hin nýja ferja sem hönnuð er til siglinga í Landeyjahöfn myndi bera talvert minna af bílum en núverandi ferja sem orðin er 25 ára gömul og hannaður til siglinga í Þorlákshöfn.  Saman lögðust kaffistofur í að telja bíla á neðangreindri mynd sem birt var á vefmiðli.
 
 
Nýja ferjan tekur 31 bíl meira þegar einnig er verið að flytja 5 gáma
Þessi mynd sýndi sem sagt sambland af bílum og vögnum/gámum á dekkinu.  Alls eru 5 vagnar og 49 bílar á myndinni.  Sé þessi blanda sett í samhengi við fluttningsgetu hinnar nýju ferju þá kemur í ljós að núverndi Herjólfur getur eingöngu tekið 18 bíla þegar á dekkinu eru 5 vagnar.  Nýja ferjan tekur sem sagt 31 bíl meira þegar í henni eru 5 vagnar.  
 
Ekki alltaf hægt að nota lyfturnar
Núverandi skip var nefnilega á sínum tíma þannig hannað að í það voru settar lyftur sem taka 14 bíla. Þegar komnir eru 4 vagnar um borð nýtist ekki önnur lyftan og þegar 5. vagninn bætist við nýtist hvorug lyftan.
 
Þegar ekki eru gámar tekur nýja ferjan 19 bílum meira en sú gamla
Séu ekki neinir vagnar á bíladekkinu komast um 55 bílar í núverandi ferju.  Í þá ferju sem hingað kemur sumarið 2018 komast hinsvegar 74 bílar ef ekki er verið að flytja neina gáma.  Þegar sú er staðan flytur nýja ferjan sem sagt 19 bílum meira.
 
Uppfært kl. 17.05Vinsamlegast athugið að myndin sem sýnir bíladekkið bara með bílum er frá því áður en ferjan var lengd og síðan þá hefur hún tekið nokkrum breytingum.  Ég set hana hér með til gamans en bendi fólki á að rýna frekar í textann en myndina til að átta sig á eðli nýju ferjunar og samanburðinum við þá gömlu.
 
Greinin birtist á Ellidi.is.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is