Undirrita samning um smíði Herjólfs

12.Janúar'17 | 20:59

Vegagerðin hefur samþykkt tilboð pólskrar skipasmíðastöðvar í smíði nýs Herjólfs og verða samningar undirritaðir eftir helgi. Gert er ráð fyrir að nýja Vestmannaeyjaferjan hefji siglingar sumarið 2018. 

Landeyjahöfn og nýr Herjólfur áttu raunar að koma saman í einum pakka enda var höfnin hönnuð fyrir ferju sem risti grynnra en sú gamla. En hrunið frestaði ferjusmíðinni, Landeyjahöfn var opnuð sumarið 2010, og síðan hafa samgöngur við Eyjar liðið fyrir að hafa ekki skip sem hentar höfninni. 

Þetta er að verða einhver lengsta meðganga nýrrar ferju á Íslandi. Fimmtán ár eru liðin frá því fyrstu skrefin voru stigin að þessari endurnýjun Herjólfs og nú er loksins komið að því að hefjast handa. Áformað er að á þriðjudag verði skrifað undir verksamning hjá Vegagerðinni við pólsku skipasmíðastöðina Crist í Gdynia. Það er Vísir.is sem greinir frá.

Smíðasamningurinn hljóðar upp á 26,2 milljónir evra eða um 3,2 milljarða króna. Gert er ráð fyrir að skipið verði afhent í júlí árið 2018. Það verður álíka stórt og gamli Herjólfur, en grunnristara og með skrúfbúnaði sem á að auðvelda skipstjórum að stýra við erfiðar aðstæður. Áætlanir hönnuða gera ráð fyrir að nýting Landeyjahafnar muni snarbatna og verða á bilinu 76 til 89 prósent eftir aðstæðum. 

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).