Ágæt veðurspá um áramótin

Veðurhorfur á landinu næstu daga

Á föstudag:
Vestan 15-23 m/s um landið austanvert, annars breytileg átt 8-15. Yfirleitt úrkomulaust á Suðausturlandi og Austfjörðum, snjókoma norðantil á landinu, en él í öðrum landshlutum. Frost 1 til 7 stig. Víða norðan 8-13 seint um kvöldið og él, en léttskýjað á sunnanverðu landinu. 

Á laugardag (gamlársdagur):
Minnkandi norðanátt og él norðantil. Norðvestan 3-8 undir kvöld, en 8-13 með austurströndinni. Sums staðar dálítil él um landið norðanvert, en úrkomulaust í öðrum landshlutum. Kólnandi veður, frost 2 til 10 stig um kvöldið, kaldast inn til landsins. 

Á sunnudag (nýársdagur):
Vestan 5-13 m/s. Skýjað og úrkomulítið um landið vestanvert og hiti 0 til 4 stig. Léttskýjað austantil og minnkandi frost.