Þröstur Johnsen leggur fram hugmyndir til bæjarráðs

Býður Vestmannaeyjabæ ýmsar eignir til sölu eða leigu

1.Desember'16 | 16:48

Tilboð varðandi íbúðamál í Vestmannaeyjum var til umræðu í bæjarráði í dag. Þar var tekið fyrir erindi frá Þresti B. Johnsen, varðandi ýmsa möguleika til sölu eða leigu á eignum til Vestmannaeyjabæjar.

Þröstur býður Vestmannaeyjabæ m.a. leiguíbúðir að Sólhlíð 17, íbúðir fyrir fatlaða að Bárustíg 2, sölu eigna til bæjarins og eða leigu, tilboð í makaskipti húsnæðis og Ráðhúss og að byggja á lóð að Skólavegi 7 íbúðir fyrir fatlaða.

Ekki stefnt að því að byggja leiguíbúðir fyrir almennan markað, annað er í farvegi

Í svari bæjarráðs þakkar ráðið einlægan áhuga bréfritara. Fyrir liggur að Vestmannaeyjabær er ekki að stefna að því að byggja leiguíbúðir fyrir almennan markað enda miklar framkvæmdir fyrirhugaðar á þeim vettvangi meðal einkaaðila. Einu leiguíbúðirnar sem stefnt er að falla annarsvegar undir málefni fatlaðra og hinsvegar undir málefni aldraðra. Þegar er hafin hönnun og undirbúningur að framkvæmdum við nýjar íbúðir fyrir aldraða við Eyjahraun. Hvað varðar íbúðir fyrir fatlaða þá er horft til samstarfs við framkvæmdaaðila á svokölluðum Ísfélagsreit. Í því samhengi var meðal annars farið í opna hugmyndasamkeppni. Vestmannaeyjabær mun því láta reyna á þann möguleika áður en aðrar ákvarðanir verða teknar. 

Þá liggur einnig fyrir einlægur vilji Vestmannaeyjabæjar að eiga og hafa starfsemi í því húsnæði sem seinustu ár hefur hýst bæjarskrifstofur en var byggt sem spítali. 

Að lokum er bréfritara bent á að lóðaumsóknir falla ekki undir bæjarráð heldur Umhverfis- og skipulagsráð og ber að beina umsóknum þangað á þar til gerðum eyðublöðum, segir í bókun bæjarráðs Vestmannaeyja.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).