Meistaradeildin:

Elsta kona heims á afmæli í dag

29.Nóvember'16 | 09:59
elsta_kona_heims_117_ap

Emma Morano virðist bara nokkuð brött miðað við aldur. Mynd/AP

Emma Morano, elsta núlifandi manneskja heims, á afmæli í dag. Hún er orðin 117 ára og er eina manneskjan á lífi sem fædd er fyrir árið 1900. Morano fæddist 29. nóvember 1899. Hún býr í bænum Verbania á norðanverðri Ítalíu, við Maggiore vatn.

Lykillinn að langlífi hennar virðist vera að sneiða hjá hefðbundnum læknisráðum. Breska dagblaðið Guardian hefur eftir henni að hún borði aðeins tvö egg á dag, og kex. Morano segist ekki geta borðað mikið því hana vanti tennurnar.

Hún átti sjö systkini, en þau eru öll látin. Hún hefur búið ein frá árinu 1938, þegar hún yfirgaf eiginmann sinn sem beitti hana ofbeldi. Skömmu áður en hún fór frá honum hafði hún misst sitt eina barn kornungt. Það var ekki fyrr en í fyrra sem hún þurfti á heimilisaðstoð að halda allan sólarhringinn. Hún býr enn í sama húsi og hún hefur búið síðustu tvo áratugi, en hún hefur verið rúmliggjandi síðasltiðið ár.

Morano segist fólk vera forvitið um sig. Það drífi hvaðanæva af til að heimsækja hana, en hún hafi þó ekki boðið neinum. Hún minnist á gesti frá Bandaríkjunum, Sviss, Austurríki, Torino og Milan. 

Heyrn hennar er orðin slæm, hún á í erfiðleikum með tal og sér ekki nógu vel til þess að geta horft á sjónvarp en hugur hennar er enn kvikur. Blása á til afmælisfagnaðar í Verbania í dag þar sem ættingjar hennar og blaðamenn eru væntanlegir ásamt bæjarstjóra Verbania, Silvia Marchioni. Aðspurð hvort hún hyggist smakka á afmæliskökunni kvaðst hún ekki spennt. Síðast hafi hún fengið sér smá, en orðið illt á eftir.

Aðeins tvær konur til viðbótar sem fæddust á þarsíðustu öld eru enn á lífi. Það eru þær Violet Brown frá Jamaíku og Nabi Tajima frá Japan.

 

Rúv.is

N1 óskar eftir starfskrafti

12.Maí'17

N1 Verslun, Básaskersbryggju óskar eftir starfsmanni í sumarafleysingar. Upplýsingar veitir Ágúst í síma 897-1127 eða á staðnum.

ÚV á FM 104

23.Apríl'16

Góð tónlist flesta laugardaga og sunnudaga frá 16:00. Einnig eru pistlar frá Nice. ÚV á FM 104

Íbúð til orlofsleigu í sumar

28.Apríl'17

Stór íbúð á góðum stað í Eyjum til orlofsleigu í sumar. Gistipláss fyrir 6-8 manns. Íbúðin telur 2 svefnherbergi, 2 stofur, stórt eldhús og baðherbergi. Innan við 500 metrar í sundlaugina og fótboltavellina. Laus ennþá yfir Pæjumót og Goslok (Orkumót og Þjóðhátíð bókuð). Áhugasamir sendi fyrrirspurn á gummiv@simnet.is  

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).