Sjávarútvegsskýrsla Íslandsbanka fyrir 2016 komin út

Samdráttur í ár en vöxtur næstu árin

22.Nóvember'16 | 14:37

Aflaverðmæti ársins 2015 námu rúmum 151 mö. kr. sem er 9,2% aukning frá árinu 2014 miðað við fast verðlag. Þetta kemur fram í sjávarútvegsskýrslu Íslandsbanka sem kom út í dag. Þorskur var verðmætasta útflutningstegundin á árinu 2015 líkt og síðastliðin sex ár.

Í skýrslunni kemur fram að Ísland er þriðja stærsta fiskveiðiþjóð í Evrópu með rúmlega eina milljón tonn í lönduðum afla. 87% af heildarverðmæti útfluttra sjávarafurða á árinu fóru til 15 helstu viðskiptaþjóða Íslands á sviði sjávarafurða.

Þá kemur fram að aukin samþjöppun í greininni feli í sér aukna skuldsetningu en á sama tíma stuðli hún að meiri hagkvæmni í rekstri, aukinni framleiðni og bættri arðsemi félaganna. Þá eru stærri félög, sem hafa aflaheimildir í fleiri tegundum fiskistofna, betur í stakk búin að takast á við rekstrarsveiflur.

Sjávarútvegsskýrslan var kynnt í dag í Eldheimum í Vestmannaeyjum. Runólfur Geir Benediktsson, forstöðumaður á Fyrirtækjasviði Íslandsbanka fór yfir helstu atriði sem fram komu í skýrslunni. Í umræðum tóku þátt þeir Sigurgeir Brynjar Kristgeirsson, framkvæmdastjóri Vinnslustöðvarinnar og Stefán Friðriksson, forstjóri Ísfélagsins. Þórdís Úlfarsdóttir, útibússtjóri Íslandsbanka í Vestmannaeyjum stjórnaði umræðum og sá um fundarstjórn.

Skýrsluna má nálgast á vef Íslandsbanka: www.islandsbanki.is.

 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).